Ziz 9:57 - Labib An Kreol Seselwa

⁵⁷ Bondye ti osi fer bann zabitan Sikenm, peye pour tou zot bann mesanste. Konmsa, malediksyon Yotanm, garson Yeroub-Baal, ti realize.

Ziz 9:57 Referans Kwoze

Ziz 9:20

Si sa pa vre, mon demande ki en dife i sorti depi Abimelek e devor bann sef dan Sikenm, ek lafanmir Milo; ki en dife i sorti kot bann sef Sikenm ek fanmir Milo e devor Abimelek.”

1 Rwa 16:34

Dan son lepok, Hiel, en zabitan Betel, ti konstri Zeriko. I ti poz fondasyon sa lavil, ki ti kout lavi son lene garson, Abiranm, e i ti enstal bann laport lavil ki ti kout li lavi Segoub, son dezyenm garson, dapre parol ki SENYER ti'n dir par lentermedyer Zozye, garson Noun.

Ziz 9:45

Tou lazournen, Abimelek ti lager kont lavil. I ti pran sa lavil e masakre tou son bann zabitan. Apre, i ti detri lavil e fann disel partou.

Zozye 6:26

Zozye, ti fer pronons sa serman: Sa enn ki esey rekonstri lavil Zeriko, pou ganny malediksyon SENYER. I pou met fondasyon kont lavi son premye garson; i pou konstri bann laport kont lavi son dernyen garson.

Ziz 9:24

Annefe, ti fodre ki sa vyolans fer kont sa 70 zanfan Yeroub-Baal e zot disan i retonm lo Abimelek, zot frer ki ti'n touy zot, e lo bann dimoun enportan dan Sikenm ki ti'n donn li en koudmen pour touy son bann frer.

Ziz 9:56

Konmsa, Bondye ti fer retonm lo Abimelek dimal ki i ti'n fer soufer son papa ler i ti touy son 70 frer.

Ziz 10:1

Apre Abimelek, Tola, garson Poua, garson Dodo, sorti dan tribi Isakar, ti leve pour sov Izrael. I ti reste Samir, dan rezyon montanny Efraim.

1 Rwa 2:32

SENYER ava fer li anmenn responsabilite son akt kriminel. San ki mon papa David ti konnen, i ti atak e touy de zonm, meyer ki li: Abner, garson Ner, komandan larme Izrael, ek Amasa, garson Yeter, komandan larme Zida.

Ziz 1:7

Adoni-Bezek ti dir, “70 lerwa ki ti'n ganny pous lanmen ek lipye koupe ti vin ranmas restan manze anba mon latab. Sa ki mon'n fer, Bondye in rann mwan laparey.” I ti ganny anmennen Zerizalenm kot i ti mor.

2 Samyel 3:39

Ozordi, menm mwan, lerwa, mon war bann garson Serouya, tro vyolan. SENYER li menm pou pini bann malfeter pour zot krim!”

Psonm 7:17

Mon pou remersye SENYER akoz i zis. Mon pou loue non SENYER Treo.

Psonm 94:23

I pou fer zot pey pour zot bann krim. I pou detri zot pour zot prop mesanste. SENYER nou Bondye pou detri zot.

Proverb 5:22

Malfeter i ganny pri dan son prop latrap. Lasenn son pese i anpay li.

Ezai 3:11

Maler lo zot bann malfeter! Tou pou mal fini pour zot. Zot pou ganny trete dapre zot aksyon.