Ziz 9:56 - Labib An Kreol Seselwa

⁵⁶ Konmsa, Bondye ti fer retonm lo Abimelek dimal ki i ti'n fer soufer son papa ler i ti touy son 70 frer.

Ziz 9:56 Referans Kwoze

Psonm 94:23

I pou fer zot pey pour zot bann krim. I pou detri zot pour zot prop mesanste. SENYER nou Bondye pou detri zot.

Proverb 5:22

Malfeter i ganny pri dan son prop latrap. Lasenn son pese i anpay li.

Ziz 9:24

Annefe, ti fodre ki sa vyolans fer kont sa 70 zanfan Yeroub-Baal e zot disan i retonm lo Abimelek, zot frer ki ti'n touy zot, e lo bann dimoun enportan dan Sikenm ki ti'n donn li en koudmen pour touy son bann frer.

Galat 6:7

Pa bezwen tronp ou lekor: Personn pa kapab provok Bondye. Dimoun i rekolte sa ki i'n senmen.

Akt de Zapot 28:4

Kan bann zabitan ti war sa serpan anpandan avek son lanmen, zot ti dir, “Sirman sa zonm i en kriminel. Menm si i'n sap lanmer, lazistis Bondye pa'n permet li viv.”

Matye 7:2

Bondye pou ziz ou parey ou ziz lezot, e i pou servi avek ou, menm mezir ki ou'n servi anver zot.

Psonm 11:6

I pou fer tonm en lapli labrez sarbon ek souf lo bann malfeter. I pou soufle en divan tanpet.

Psonm 9:12

Bondye pa oubliy lapenn bann malere. I vanz sa enn ki fer krim.

Liv Zob 31:3

Dezas pa i tonm lo sa enn ki enzis e problenm lo bann malfeter?

Zenez 9:5

Mon pou demann kont zot disan, ki zot lavi; mon pou demann kont en zannimo ki touy en et imen. Sak et imen ki pran lavi son sanblab devre rann kont.

Zenez 9:6

Sa enn ki fer koule disan en et imen, li osi en et imen pou fer koule son disan, akoz zonm ti ganny fer dan limaz Bondye.

Ziz 9:55

Ler bann Izraelit ti war ki Abimelek in mor, sakenn ti retourn kot li.

Ziz 9:57

Bondye ti osi fer bann zabitan Sikenm, peye pour tou zot bann mesanste. Konmsa, malediksyon Yotanm, garson Yeroub-Baal, ti realize.