Ziz 9:54 - Labib An Kreol Seselwa

⁵⁴ Toudswit, Abimelek ti apel son serviter ki ti pe anmenn son bann zarm. I ti dir li, “Tir ou lepe e touy mwan, pour ki dimoun pa dir ki en fanm ki ti touy li.” Son serviter ti pik li e i ti mor.

Ziz 9:54 Referans Kwoze

Ziz 9:55

Ler bann Izraelit ti war ki Abimelek in mor, sakenn ti retourn kot li.

1 Samyel 14:7

Son porter zarm ti dir li, “Pa ezite fer sa ki ou annan lide fer. Mon avek ou, konmsi ou leker.”

1 Samyel 14:12

Bann zonm kot post ti dir avek Zonatan ek son porter zarm, “Mont kot nou. Nou annan keksoz pour dir zot.” Zonatan ti dir son porter zarm, “Swiv mwan, akoz SENYER in livre zot dan lanmen Izrael.”

1 Samyel 14:13

Zonatan ti mont katpat, son porter zarm ti mont deryer li. Bann Filisten ti tonbe devan Zonatan e son porter zarm ti touy bann ki ti par deryer.

1 Samyel 14:14

Dan sa premye latak, Zonatan ek porter zarm, ti touy apepre 20 zonm dan en pti lespas, apepre lanmwatye arpan.

1 Samyel 14:17

Sail ti dir avek son bann zonm, “Mon demann zot fer lapel e gete lekel ki manke parmi nou.” Kan zot ti fer lapel, Zonatan ek son porter zarm ti manke.

1 Samyel 16:21

David ti ariv kot Sail e travay dan son servis. Sail ti kontan li en kantite e i ti ganny swazir pour anmenn zarm lerwa.

1 Samyel 31:6

Sail ti mor ansanm avek son trwa garson, son porter zarm ek son bann zonm; zot tou ti mor menm zour.

2 Samyel 1:10

Alor mon ti aprose, e mon ti touy li, akoz mon ti asire ki i pa ti pou viv apre son defet. Mon ti pran son kouronn ki ti lo son latet ek en brasle ki ti lo son lebra, e mon'n anmenn kot ou, mon senyer.

2 Samyel 23:37

Selek, en Amonit; Narai, en Beerotit ki ti port zarm Zoab, garson Serouya.

1 Kronik 10:4

Sail ti dir avek son porter zarm: Tir ou lepe e pik mwan; mon pa oule bann ki pa'n sirkonsi i touy mwan e abes mwan. Me son porter zarm ti refize; e i ti ganny en gran lafreyer. Sail ti pran son prop lepe; i ti zet li lo la e i ti mor.

1 Kronik 10:5

Ler son porter zarm ti war ki Sail ti'n mor, li osi, i ti zet li lo son lepe e i ti mor.

1 Kronik 11:39

Selek, en Amonit; Narai, en Beerotit, porter zarm Zoab, garson Serouya;

Ziz 4:9

Debora ti reponn, “Mon pou vin avek ou. Me lo sa semen kot ou pe ale, pa ou ki pou ganny laglwar. Annefe, SENYER in livre Sisera dan lanmen en fanm.” Alor, Debora ti al avek Barak dan lavil Kedes.

2 Samyel 1:7

I ti vire, e i ti war mwan. I ti apel mwan. Mon ti reponn: Wi?”

2 Samyel 1:9

Alor i ti dir mwan, “Vin isi e touy mwan. Mon pe soufer en kantite, menm si mon paret byen.”