Ziz 9:24 - Labib An Kreol Seselwa

²⁴ Annefe, ti fodre ki sa vyolans fer kont sa 70 zanfan Yeroub-Baal e zot disan i retonm lo Abimelek, zot frer ki ti'n touy zot, e lo bann dimoun enportan dan Sikenm ki ti'n donn li en koudmen pour touy son bann frer.

Ziz 9:24 Referans Kwoze

1 Rwa 2:32

SENYER ava fer li anmenn responsabilite son akt kriminel. San ki mon papa David ti konnen, i ti atak e touy de zonm, meyer ki li: Abner, garson Ner, komandan larme Izrael, ek Amasa, garson Yeter, komandan larme Zida.

Psonm 7:16

Maler ki zot ti'n prepare i retonm lo zot. Zot bann kou vyolan i retonm lo zot prop latet.

Ester 9:25

Me kan Ester ti prezant li devan lerwa, lerwa ti donn lord par ekri, ki sa konplo prepare par Haman, i retonm lo li menm; ki Haman avek son bann garson, zot ganny pann lo lesafo.

1 Samyel 15:33

Samyel ti dir, “Parey ou lepe in priv bann fanm zot zanfan, ou manman osi i ava san zanfan parmi sa bann fanm.” Samyel ti koup Agag an morso devan SENYER, dan Gilgal.

Deterononm 27:25

Malediksyon lo sa enn ki aksepte gous pou fer koule disan inosan. Lepep ava dir: Amenn!

Nonm 35:33

Ou pa pou profann pei kot ou pe reste. Annefe, disan i rann enpir pei. Zis disan sa dimoun ki'n touye ki kapab lav disan ki'n rann pei enpir.

Ziz 9:25

Bann responsab Sikenm ti plas bann pyez kont li lo latet bann montanny e zot ti depouy tou dimoun ki ti pas pre avek zot lo semen. Abimelek ti ganny enformen.

Ziz 1:7

Adoni-Bezek ti dir, “70 lerwa ki ti'n ganny pous lanmen ek lipye koupe ti vin ranmas restan manze anba mon latab. Sa ki mon'n fer, Bondye in rann mwan laparey.” I ti ganny anmennen Zerizalenm kot i ti mor.

1 Rwa 2:33

Zoab ek son desandan ki ava alor anmenn sa responsabilite pour touzour. Alor, David ek son desandan, son fanmir ek tou bann lerwa apre li, ava zouir boner ek lape ki SENYER ava donnen pour touzour.”

Psonm 7:17

Mon pou remersye SENYER akoz i zis. Mon pou loue non SENYER Treo.