Me ler bann ziz ti mor, zot ti rekonmans vin koronpi, plis ki zot bann zanset. Zot ti swiv lezot bondye, servi zot e prostern devan zot; zot pa ti renons zot bann move mannyer viv.
Avek tousala, Zedeon ti fer en lefod ki i ti plas dan son lavil, Ofra. Pep Izrael antye ti vin ador la, avek li. Sa lefod ti vin en pyez pour Zedeon e pour son fanmir.
Me zot pa ti ni menm ekout zot bann ziz. Zot ti al prostitye avek lezot bondye e prostern devan zot. Tre vit, zot pa ti swiv semen ki zot bann zanset ti swiv, ki ti ekout bann komannman SENYER; me, zot pa ti fer parey.
Zot ti al dan lakanpanny pour rekolte zot rezen ki zot ti kraze pour fer diven e apre, fer lafet. Zot ti al dan tanp zot bondye kot zot ti manze e bwar; apre, zot ti modi Abimelek.
Izrael ti servi SENYER tou dilon lavi Zozye, e tou dilon lavi bann ansyen ki ti reste vivan apre Zozye e ki ti konn tou bann mervey ki SENYER ti'n fer an faver Izrael.
Zot ti'n abandonn SENYER, Bondye zot zanset, ki ti'n fer zot sorti Lezip; zot ti swiv lezot bondye ki parmi bann bondye sa pep ki ti otour zot. Zot ti prostern devan sa bann bondye e sa ti depler SENYER.
Bann Izraelit ti rekonmans fer sa ki depler SENYER: Zot ti al servi bann Baal ek bann Astarte, bondye bann Arameen, bann Sidonit, bann Moabit, bann Amonit e bann Filisten. Zot ti abandonn SENYER e aret servi li.