Ziz 8:26 - Labib An Kreol Seselwa

²⁶ Pwa bann bag annor ki i ti'n demande, ti pez 20 kilo; san kont bann bizou, bann pandan zorey, bann lenz rouz fonse ki bann lerwa Madyanit ti mete; osi san kont bann kolye ki ti dan likou zot bann samo.

Ziz 8:26 Referans Kwoze

Revelasyon 18:16

Zot pou dir: Maler! Gran maler lo sa gran lavil ki ti abiye dan lenz linenn fen, mov e rouz, sarze avek bizou annor, pyer presyez ek perl.

Revelasyon 18:12

Ni marsandiz annor, annarzan, bizou ek perl, ni latwal linenn fen, latwal rouz, laswa, toudsort kalite dibwa presye, tou kalite lobze an livwar, an bwa presye, an bronz, an fer oubyen an marb,

Levanzil dapre Zan 19:5

Alor, Zezi ti sorti dan sa gran rob rouz, avek son kouronn pikan lo latet. Pilat ti dir zot, “La i la, sa zonm.”

Levanzil dapre Zan 19:2

Bann solda ti tres en kouronn pikan ki zot ti met lo son latet; zot ti met li en gran rob rouz.

Zeremi 10:9

Zot ganny fabrike par en artizan e ganny dekore par en lorfev avek bann fey annarzan ki'n ganny enporte sorti Tarsis, oubyen avek lor sorti Oufaz. Answit, zot ganny abiye dan bann lenz kouler rouz e mov zot zis bann lobze lar, travay en artizan.

Ester 8:15

Mardose ti sorti devan lerwa abiye dan labi rwayal kouler ble e blan avek en gro kouronn annor, en gran manto an linenn fen, kouler rouz fonse. Dan lavil Siz, ti annan tapaz ek selebrasyon.

Revelasyon 17:4

Sa fanm ti'n abiy dan lenz rouz e kouver avek bizou annor, pyer presyez ek perl. Dan son lanmen, i ti annan en lakoup annor ranpli avek bann aksyon degoutan ek salte son lavi prostitisyon.

Ezekyel 27:7

Ou bann lavwal in ganny koud avek linenn fen, sorti Lezip, dekore avek brodri, parey paviyon ki ou rekonnet depi lwen. Ou ti osi annan latwal kouler vyolet ek rouz sorti zil Sip.

Levanzil dapre Lik 16:19

“En fwa, ti annan en zonm ris ki ti touzour abiy dan bann zoli lenz ser, fer avek pli zoli latwal linenn fen. I ti pe fer lafet tou le zour.

Ziz 8:21

Zeba ek Salmouna ti dir Zedeon, “Leve ou menm e touy nou. Si ou en zonm, montre ou lafors.” Alor Zedeon ti leve e touy Zeba ek Salmouna. Apre, i ti pran bann ornman ki ti anpandan dan likou zot bann samo.

Ziz 8:25

Zot ti reponn, “Dakor! Nou ava donn ou.” Zot ti tal en lenz ater e sakenn ti zet en bag sorti dan son piyaz lager.

Ziz 8:27

Avek tousala, Zedeon ti fer en lefod ki i ti plas dan son lavil, Ofra. Pep Izrael antye ti vin ador la, avek li. Sa lefod ti vin en pyez pour Zedeon e pour son fanmir.

Proverb 31:22

I fabrik bann kouvertir; i annan bann lenz fer avek len fen, kouler rouz.

Ezai 3:18

Sa zour, SENYER pou tir tou zot bizou: Lasenn dan sevir, rezil,