Ziz 7:20 - Labib An Kreol Seselwa

²⁰ Sa trwa group ti soufle tronpet e kas zot gran potao. Zot ti tenir zot tors dan lanmen gos e tronpet dan lanmen drwat. Zot ti kriye, “Lepe pour SENYER e pour Zedeon.”

Ziz 7:20 Referans Kwoze

Ezai 27:13

Sa zour, en gran tronpet pou ganny soufle. Alor, sa bann ki ti'n perdi dan pei Asiri e sa bann ki ti ganny anvoye annegzil Lezip pou retournen e ador SENYER lo montanny sen dan Zerizalenm.

2 Korentyen 4:7

Me sa trezor, nou pe anmenn li dan bann po fer avek later, pour montre ki sa pwisans siperyer, i sorti kot Bondye, pa kot nou.

1 Korentyen 15:52

dan en pti moman, dan en klendey, kan dernyen tronpet pou soufle. Annefe, tronpet pou soufle e bann mor pou resisite imortel; e nou, nou pou ganny transformen.

Zozye 6:20

Alor, lepep ti kriye, e bann tronpet ti sonnen. De ki lepep ti antann son bann tronpet, zot ti kriye, e miray ti degrengole. Deswit, pep Izraelit ti lans devan, atak lavil e kaptir li.

Zozye 6:16

Apre setyenm letour, bann pret ti sonn zot tronpet. Zozye ti dir lepep: Kriy for, akoz SENYER in donn zot sa lavil.

Zozye 6:4

Set pret avek tronpet korn bouk, ava mars devan Kof lalyans. Setyenm zour, zot ava fer set letour lavil e bann pret ava soufle tronpet.

Ebre 11:4

Par lafwa, Abel ti ofer en meyer sakrifis ki sakrifis Kaen. Akoz lafwa Abel, Bondye ti deklar li zis. Pour sa rezon, i ti aprouv son lofrann. Par son lafwa, Abel pe kontinyen koze menm si i'n mor.

1 Tesalonisyen 4:16

Annefe, kan sinyal pou ganny donnen avek lavwa en larkanz, e son tronpet Bondye, Senyer li menm pou desann sorti dan lesyel, e bann ki'n mor dan Kris pou resisite an premye.

2 Pyer 1:15

Mon pou fer tou mon posib pour ki menm apre mon lanmor, zot ava touzour rapel tousala.

Ziz 7:19

Avek sa 100 zonm ki ti avek li, Zedeon ti ariv dan zanviron kan o konmansman vey minwi; ti fek ranplas gard. Zot ti soufle tronpet e kas zot bann potao ki ti dan zot lanmen.

Ziz 7:21

Bann zonm ti reste debout dan zot plas otour kan. Tou dimoun dan kan ti konmans taye, kriye e sove.

1 Samyel 11:11

Lannmen, Sail ti diviz lepep an trwa group. Granmaten, zot ti antre dan kan bann Amonit e bat zot ziska lasaler lazournen ti monte. Tou bann sirvivan ti disperse.

Zeremi 47:6

Zot kriye: Kan eski lepe SENYER pour pran en pe repo? In ler pour li antre dan son fouro, reste trankil e fer silans.