Ziz 21:25 - Labib An Kreol Seselwa

²⁵ Dan sa lepok, ti napa lerwa dan Izrael. Sakenn ti fer sa ki i ti oule.

Ziz 21:25 Referans Kwoze

Deterononm 12:8

Zot pa pou azir parey nou pe fer isi ozordi, kot sakenn pe fer sa ki i anvi.

Ziz 17:6

Dan sa lepok, ti napa okenn lerwa dan Izrael; sakenn ti fer sa ki i ti anvi.

Proverb 3:5

Met ou konfyans dan SENYER avek tou ou leker; pa kont lo ou prop rezonnman.

Eklezyas 11:9

Ou ki ankor zenn, profit byen bann lannen ou lazenes. Viv ere pandan ki ou ankor zenn. Fer tou sa ki ou kontan, e tou sa ki donn ou plezir. Me ou bezwen konnen ki Bondye pou ziz tou ou bann aksyon.

Proverb 14:12

En semen i kapab paret drwat pour en zonm; me apre, i en semen ki kondwir ver lanmor.

Ziz 19:1

Dan sa letan, ti napa lerwa dan Izrael. En levit ki ti pe reste koman en etranze dan en kwen perdi dan rezyon montanny Efraim, ti pran en menazer, en fanm sorti Betlehenm, dan Zida.

Ziz 18:1

Dan sa lepok, ti napa lerwa dan Izrael. Dan sa menm lepok, tribi Dann ti pe rod en teritwar pour reste. Annefe, ziska aprezan, i pa ti'n ganny okenn teritwar koman par, parmi bann tribi Izrael.

Psonm 12:4

Nou konn koze, nou pli for; personn pa fer nou per.

Ziz 18:7

Sa senk zonm ti ale; zot ti ariv Lais. Zot ti war ki popilasyon ki ti pe reste la, ti pe viv an sekirite parey bann zabitan Sidon, dan trankilite ek konfyans. Dan sa pei, ti napa okenn vwazen zennan, oubyen dominer. Zot ti viv lwen avek bann Sidonit e zot ti napa relasyon avek personn.

Ziz 21:24

Dan sa lepok, bann Izraelit ti kit sa landrwa e sakenn ti al dan son tribi e dan son klan. Sakenn ti al dan son teritwar.

Ezai 53:6

Nou tou, nou ti eran. Parey en troupo mouton, ki'n perdi semen, sakenn ti al dan son prop direksyon. SENYER in plas lo li tou nou bann krim.

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.