Ziz 21:21 - Labib An Kreol Seselwa

²¹ Zot ava obzerve, ler bann fiy Silo ava sorti pour dans zot laronn, zot ava sorti dan bann plantasyon. Sakenn zot ava sezi en fanm parmi bann fiy ki sorti Silo; apre, zot ava retourn dan pei bann Benzamit.

Ziz 21:21 Referans Kwoze

Ziz 11:34

Ler Zefte ti pe retourn kot li Mispa, son fiy ti sorti pour rankontre li avek bann tanbouren ek ladans. Sa fiy ti son sel zanfan. Apard li, Zefte ti napa okenn garson ni fiy.

Egzod 15:20

Mirianm, en profetes, ser Aaron, ti pran en tanbouren. Tou bann fanm ti sorti e swiv li. Zot ti zwe tanbouren e zot ti danse.

Levanzil dapre Lik 17:25

Me avan, i pou soufer en kantite e ganny rezete par sa zenerasyon.

Matye 10:17

Fer atansyon! Zot pou ganny arete e ganny anmennen ankour. Zot pou ganny fwete dan zot bann sinagog.

Zeremi 31:13

Alor, bann zenn fiy ava danse dan lazwa; zennzan ek vyeyar pou fet ansanm. Mon pou sanz zot dey an lazwa; mon pou konsol zot e sanz zot tristes an lazwa.

Eklezyas 3:4

I annan en letan pour plere e en letan pour riye; en letan pour plennyen e en letan pour danse.

Psonm 150:4

Loue li avek lanmizik tanbouren ek ladans! Loue li lo bann sitar ek laflit!

Psonm 149:3

Loue son non avek ladans, avek tanbour, avek laarp; zwe bann lenstriman lanmizik pour loue son non.

2 Samyel 6:21

David ti dir Mikal, “Mon'n fer sa devan SENYER ki'n swazir mwan, plito ki ou papa ek tou ou fanmir, pour etabli mwan sef lo pep Izrael, pep SENYER. Mon pou kontinyen zwe lanmizik devan SENYER.

2 Samyel 6:14

David ti danse avek tou son lafors devan SENYER avek en lefod linenn otour li.

1 Samyel 18:6

Ler zot ti pe retourn dan lakour apre ki David ti'n touy sa Filisten, bann fanm ki ti sorti dan tou bann lavil Izrael pour rankontre lerwa Sail, ti sante, danse avek lakonpannyman tanbouren, avek tapaz lazwa ek triyang.

Ziz 21:20

Apre, zot ti donn sa lord bann Benzamit, “Al kasyet dan bann plantasyon rezen.

Kantik Salomon 6:13

O Soulamit! Retournen! Retournen! Retournen! Retournen pour nou kapab admir ou. Akoz ou pe admir sa Soulamit? Konmsi ou pe get en kontredans!