Ziz 21:13 - Labib An Kreol Seselwa

¹³ Lakominote antye ti anvoy bann mesaze pour koz avek bann Benzamit ki ti kot ros Rimonn, pour propoz zot lape.

Ziz 21:13 Referans Kwoze

Ziz 20:47

tandis ki 600 zonm ti sove ver dezer, dan direksyon ros Rimonn. Zot ti reste la pandan kat mwan.

Deterononm 20:10

Ler ou pou apros en lavil pour ou atake, propoz dabor lape avek son bann zabitan.

Efezyen 2:17

Kris in alor vin anons Bonn Nouvel lape pour tou dimoun: Pour zot bann non-Zwif, ki ti lwen avek Bondye, e pour bann Zwif ki ti pre avek li.

Levanzil dapre Lik 10:5

Dan nenport lakaz kot zot antre, zot ava dir: Lape pour sa lakaz!

Ezai 57:19

SENYER i deklare: Lape! Lape pour sa enn ki lwen, pour san enn ki pros! Mon pou geri zot tou!

Zozye 15:32

Lebaot, Silim e Enn-Rimonn: An tou 29 lavil ek zot bann vilaz.

Ziz 20:45

Parmi bann ki ti pe sove ver dezer, dan direksyon Rimonn, 5,000 ti ganny ratrape lo semen. Zot ti ganny pourswiv ziska Gidonm e ankor 2,000 ti ganny touye.

Ziz 21:12

Parmi bann zabitan Yabes dan Galaad, zot ti dekouver 400 zenn fiy vyerz ki pa ti'n zanmen ganny relasyon seksyel avek en zonm. Zot ti ganny anmenn dan kan Silo, dan Kanaan.

Ziz 21:14

Alor, bann Benzamit ti retournen e zot ti ganny bann fanm zabitan Yabes dan Galaad ki pa ti'n ganny eparnyen. Me pa ti annan ase fanm pour zot.