Ziz 20:37 - Labib An Kreol Seselwa

³⁷ Sa bann zonm ti sorti an vites kont Gibea. Zot ti al atake e masakre tou bann zabitan lavil.

Ziz 20:37 Referans Kwoze

Zozye 8:19

Koman i ti lev son lans, bann zonm ki ti'n kasyet ti sorti vitman dan zot landrwa kasyet. Zot ti fonse e antre dan lavil ki zot ti pran. Apre, zot ti depese pour met dife dan lavil.

Zozye 6:5

Ler zot ava antann tronpet korn bouk soufle, lepep antye ava kriye avek en gran laklamasyon. Alor, miray lavil ava tonm plat ater e lepep ava atake drwat devan zot.”

Egzod 19:13

Personn pa pou tous sa dimoun koupab, me i ava ganny saboule avek ros oubyen fles. I kapab en zannimo oubyen en zonm; me i pa pou reste vivan. Kan zot ava antann tronpet soufle, zot ava vin kot montanny.”

Zozye 8:13

Lepep ti'n etabli son kan lo kote Nor avek lavil, e son aryergard ti lo kote Was. Zozye ti pas sa lannwit dan vale.

Zozye 8:14

Kan lerwa Ai ti war sa, li avek tou son pep, bann zonm dan lavil ti leve deswit pour al dan landrwa kot zot ti'n met dakor, pour al konbat bann Izraelit dan direksyon vale Zourden. Me i pa ti konnen ki en latak par deryer lavil ti'n ganny prepare.