Ziz 20:34 - Labib An Kreol Seselwa

³⁴ Alor, 10,000 zonm elit dan Izrael antye ti ariv anfas avek Gibea. Konba ti for e bann Benzamit pa ti pe espere ki maler ti pe al tap zot.

Ziz 20:34 Referans Kwoze

Zozye 8:14

Kan lerwa Ai ti war sa, li avek tou son pep, bann zonm dan lavil ti leve deswit pour al dan landrwa kot zot ti'n met dakor, pour al konbat bann Izraelit dan direksyon vale Zourden. Me i pa ti konnen ki en latak par deryer lavil ti'n ganny prepare.

Ezai 47:11

Me maler pou tonm lo ou san ki ou pou kapab eparny li. Dezas pou tonm lo ou e ou pa pou kapab evit li. Ou pou tonm dan larin en sel kou, san ki ou annan okenn lide.

Liv Zob 21:13

Zot viv dan lazwa tou zot lavi; trankilman zot desann dan lemonn lanmor.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.

Levanzil dapre Lik 21:34

“Fer byen atansyon: Pa les zot lespri angourdi avek festen, labwason ek traka lavi. Fer atansyon ki sa zour pa sirprann zot

Matye 24:44

Zot osi, met zot pare, akoz Fis-de-Lonm pou vini ler ki zot pa pe mazinen.”

Eklezyas 9:12

Annefe, zonm pa konn zour son maler plis ki en pwason dan lasenn oubyen en zwazo dan latrap. Parey zot, maler i tonm lo imen san ki i pe atann.

Proverb 29:6

Pour en malfeter, son bann fot i vin bann pyez. Me sa enn ki zis, i danse dan lazwa.

Proverb 4:19

Semen bann malfeter i parey gro fernwanr; zot pa konnen kwa ki fer zot tonbe.

Ziz 20:35

SENYER ti bat Benzamen devan Izrael. Sa zour, bann Izraelit ti touy 25,100 zonm Benzamit, zot tou bann zonm ki konn servi lepe.