Ziz 20:31 - Labib An Kreol Seselwa

³¹ Bann Benzamit ti sorti pour atak zot. Zot ti les zot ganny antrennen lwen avek lavil. Parey lezot fwa, zot ti konmans touy bann Izraelit lo bann semen ki mont ver Betel e ver Gibea, atraver lakanpanny. Zot ti touy anviron 30 zonm parmi bann Izraelit.

Ziz 20:31 Referans Kwoze

Ezai 10:29

Zot in pas dan semen etrwat; zot in pas lannwit Geba. Zabitan Rama pe tranble. Zabitan Gibea, lavil Sail, pe sove.

Zozye 7:5

Bann zonm Ai ti touy anviron 36 Izraelit. Zot ti pourswiv zot depi laport lavil ziska Sebarim, e bat zot an desandan. Bann Izraelit ti perdi kouraz, zot leker ti fonn.

Ziz 20:30

Trwazyenm zour, zot ti al atak bann Benzamit; zot ti pran zot pozisyon pour atak Gibea, parey lezot fwa.

Ziz 20:32

Bann Benzamit ti pe dir: Nou'n bat zot parey premye fwa; tandis ki bann Izraelit ti dir: Annou sove e antrenn zot lwen avek lavil, lo bann semen lakanpanny.

Zozye 8:17

Tou zabitan Ai ek Betel ti'n sorti pour pourswiv bann Izraelit. Zot ti'n les lavil san defans pour zot al pourswiv Izrael.