Ziz 20:28 - Labib An Kreol Seselwa

²⁸ Dan sa letan, Fineas, garson Eleazar, garson Aaron ki ti pe servi koman pret. Bann Izraelit ti dir, “Eski fodre nou al ankor atak nou bann frer Benzamit, oubyen renonse?” SENYER ti reponn, “Monte, akoz demen mon pou livre zot dan zot lanmen.”

Ziz 20:28 Referans Kwoze

Ziz 7:9

Sa lannwit, SENYER ti dir Zedeon, “Leve! Desann dan kan; mon'n fini livre zot dan ou lanmen.

Zozye 24:33

Eleazar, garson Aaron ti mor; i ti ganny antere Gibea, dan lavil ki son garson Fineas ti'n resevwar e ki sitye dan rezyon montanny Efraim.

Deterononm 18:5

Annefe, parmi tou ou bann tribi, SENYER, ou Bondye in swazir Levi avek son bann garson pour prezant zot servis devan SENYER.

Deterononm 10:8

Dan sa letan, SENYER ti swazir tribi Levi pour anmenn Kof Lalyans SENYER, e prezant devan SENYER pour servi li e pronons bann benediksyon an son non.

Zeremi 10:23

SENYER! Mon konnen ki zonm pa met son desten. Napa en dimoun ki kapab kontrol son lavi.

2 Kronik 20:17

Zot pa bezwen atake; zis pran pozisyon e espere. Zot ava war kot SENYER i ranport laviktwar pour zot. Pep Zida ek pep Zerizalenm! Pa per. Pa bezwen per. Sorti demen e al atak zot. Mwan SENYER, mon pou avek zot.

2 Samyel 6:3

Zot ti met Kof lalyans lo en saret nef, e transport li depi kot lakaz Abinadab ki ti lo kolin; Ouza ek Ahio, garson Abinadab, ti kondwir sa saret nef.

1 Samyel 30:8

David ti konsilte SENYER e demande, “Si mon pourswiv sa troup, eski mon pou zwenn zot?” SENYER ti reponn li, “Pourswiv zot; ou ava zwenn zot e delivre bann prizonnyen.”

1 Samyel 14:37

Sail ti konsilte Bondye, “Eski mon ava desann pour atak bann Filisten? Eski ou pou livre zot dan lanmen Izrael?” Me sa zour, Bondye pa ti reponn.

Ziz 1:2

“Zida ki pou monte. Mon'n livre pei dan son lanmen.”

Zozye 22:13

Alor, pep Izrael ti anvoy pret Fineas, garson Eleazar, kot bann Ribenit, bann Gadit ek demi tribi Manase, dan pei Galaad.

Zozye 7:7

Zozye ti dir, “Senyer BONDYE, akoz ou'n fer sa pep travers larivyer Zourden zis pour livre nou dan lanmen bann Amorit e detri nou? Nou ti'n devre reste lot kote larivyer Zourden!

Ziz 19:16

Aswar, en vyeyar ti pe rantre sorti travay dan lakanpanny, dan rezyon montanny Efraim. I ti pe reste Gibea koman en etranze parmi bann zabitan, bann Benzamit.

Egzod 6:25

Eleazar, garson Aaron ti marye avek enn bann fiy Poutiel ki ti donn li en garson: Fineas. Sa ti bann sef fanmir bann levit avek zot bann klan.

Esdras 7:5

garson Abisoua, garson Fineas, garson Eleazar, garson Gran-Pret Aaron.