Ziz 20:26 - Labib An Kreol Seselwa

²⁶ Lepep ek tou bann Izraelit ti mont Betel kot zot ti reste e plere devan SENYER. Zot ti zennen tou lazournen e ofer sakrifis konplet ek sakrifis lape devan SENYER.

Ziz 20:26 Referans Kwoze

Ziz 20:23

Bann Izraelit ti al plere devan SENYER ziska aswar. Zot ti konsilte SENYER: Eski fodre nou atak ankor nou bann frer Benzamit? SENYER ti reponn: Atake.

Esdras 8:21

La, kot larivyer Ahava, mon ti demann tou dimoun fer en zenn pour imilye nou devan nou Bondye, pour ki i akord nou en bon vwayaz, pour nou, nou fanmir ek tou nou bann byen.

Ziz 20:18

Bann Izraelit ti mont Betel pour konsilte Bondye: Lekel parmi nou ki pou al premye pour lager kont bann Benzamit? SENYER ti reponn: Zida ki pou al premye.

Zoel 1:14

Donn lord pour fer en zenn. Rasanble bann zabitan pour en lasanble solannel! Rasanble bann ansyen ek tou zabitan dan pei, dan tanp SENYER zot Bondye e enplor SENYER.

2 Kronik 20:3

Zozafat ti per. I ti deside pour konsilte SENYER e donn lord pour fer en zenn partou dan pei Zida antye.

1 Samyel 7:6

Zot ti rasanble zot tou Mispa. Zot ti pran delo e vers ater devan SENYER. Zot ti fer en zenn sa zour e zot ti dir, “Nou'n komet pese kont SENYER.” Se la Mispa, kot Samyel ti ziz pep Izrael.

Ziz 20:25

Sa menm zour, bann Benzamit ti sorti Gibea pour al atak bann Izraelit. Zot ti touy 18,000 zonm parmi bann Izraelit, tou sa bann zonm ti konn servi lepe.

Ziz 21:2

Lepep ti al Betel kot zot ti reste asiz devan Bondye, ziska aswar. Zot ti sanglote e plere asodlarm. Zot ti dir,

1 Samyel 11:4

Kan bann mesaze ti ariv Gibea kot Sail ti reste, zot ti raport sa nouvel avek lepep e tou dimoun ti plere.

Zeremi 36:9

Dan senkyenm lannen ki Zoyakim, garson Zozyas ti lerwa Zida, dan nevyenm mwan, en seremoni zenn ti ganny proklanmen pour lepep ki reste Zerizalenm ek tou bann pep sorti dan bann lavil Zida.

Zenez 28:19

I ti apel sa landrwa Betel. Sa landrwa ti apel Louz avan.

Zozye 7:6

Alor, Zozye, ensi ki bann ansyen dan Izrael, ti desir zot lenz, tonm lafas ater devan Kof Lalyans SENYER, ziska aswar. Zot ti zet lapousyer lo zot latet.

Zozye 24:1

Zozye ti fer rasanble tou bann tribi pep Izrael dan Sikenm. I ti konvok tou bann ansyen dan Izrael, bann sef, bann ziz, ek bann responsab; zot ti vin prezant zot devan Bondye.

Ziz 21:4

Lannmen, lepep ti lev granmaten; zot ti konstri en lotel e ofer sakrifis konplet ek sakrifis lape.

2 Samyel 3:35

Alor, lepep ti fors David manze, letan ti ankor lizour. Me David ti fer sa serman, “Bondye ava pini mwan si mon manz en sel morso dipen oubyen nenport kwa avan soley i kouse!”