Ziz 19:23 - Labib An Kreol Seselwa

²³ Met sa lakaz ti sorti. I ti dir zot, “Non mon bann frer; mon demann zot pa fer sa move aksyon. Sa zonm in antre kot mwan, pa fer en tel aksyon imoral.

Ziz 19:23 Referans Kwoze

2 Samyel 13:12

I ti reponn, “Non, mon frer, pa fors mwan. Nou pa azir konmsa dan Izrael, pa fer en tel akt degoutan.

Ziz 20:6

Mon ti pran mon menazer; mon ti dekoup li an morso ki mon ti anvoy partou dan tou teritwar ki form patrimwann Izrael. Annefe, zot ti'n komet en akt imoral, en aksyon degoutan dan Izrael.

Zenez 34:7

Bann garson Zakob ti arive e zot ti tre ankoler, akoz Sikenm ti'n komet en aksyon degoutan dan Izrael, ler i ti dormi avek fiy Zakob. En tel keksoz pa devre zanmen ganny komet.

Zozye 7:15

Sa enn ki ganny trouve an posesyon bann lobze vole, pou ganny brile, li, avek tou sa ki i posede. I pa'n montre respe pour lalyans SENYER, e i'n komet en fot terib dan Izrael.”

Deterononm 22:21

sa zenn fanm ava ganny anmennen deor lakaz son papa e bann zonm lavil ava saboul li avek ros, akoz in komet en aksyon degoutan dan Izrael: I'n prostitye son lekor dan lakaz son papa. Konmsa, ou ava fer disparet sa ki mal parmi zot.

Zenez 19:8

Mon annan de fiy ki pa ankor dormi avek okenn zonm. Mon ava anmenn zot e zot ava kapab fer sa ki zot kontan avek zot. Selman, pa fer nanryen sa bann zonm, akoz zot dan mon lakaz, mon bezwen protez zot.”