Ziz 19:17 - Labib An Kreol Seselwa

¹⁷ I ti lev lizye e apersevwar sa vwayazer lo plas piblik lavil. Sa vyeyar ti demann li, “Kot ou pe ale? Kot ou sorti?”

Ziz 19:17 Referans Kwoze

Zenez 32:17

I ti dir avek premye serviter ki ti devan: Kan Ezai, mon frer i zwenn ou e demande: Lekel ou? Kote ou pe ale? Pour ki sa troupo ki pe mars devan ou?

Zenez 16:8

I ti dir li, “Agar, servant Sarai, kote ou sorti e kote ou pe ale?” I ti reponn, “Mon pe sov Sarai, mon bourzwa.”

Ziz 19:16

Aswar, en vyeyar ti pe rantre sorti travay dan lakanpanny, dan rezyon montanny Efraim. I ti pe reste Gibea koman en etranze parmi bann zabitan, bann Benzamit.

Ziz 19:18

I ti reponn, “Nou sorti Betlehenm dan Zida kot mon ti'n ale. Mon pe al dan fon rezyon montanny Efraim kot mon reste. Mon pe al dan tanp SENYER, me personn pa'n envit mwan kot li.

2 Samyel 12:4

En zour, sa zonm ris ti ganny en viziter. Sa zonm pa ti anvi pran enn son zannimo parmi son troupo pour li prepar manze pour son viziter; alor, i ti pran sa sel pti mouton sa zonm pov, e prepar manze pour son viziter.”

Ezai 33:8

Bann lari i dezer; napa personn lo semen. Lalyans in ganny kase. Serman in ganny meprize; son bann kondisyon pa'n ganny respekte.

Zeremi 14:8

SENYER! Ou ki lespwar Izrael, ou ki son sover dan maler, akoz ou pas parey en etranze dan pei? Akoz ou konport ou parey en vwayazer ki pas zis en lannwit?