Ziz 18:5 - Labib An Kreol Seselwa

⁵ Zot ti dir li, “Konsilte Bondye, pour nou konnen si sa vwayaz ki nou'n antreprann pou reisi.”

Ziz 18:5 Referans Kwoze

1 Rwa 22:5

Zozafat ti dir lerwa Izrael, “Annou dabor konsilte sa ki SENYER i dir.”

Akt de Zapot 8:10

Tou dimoun, pli pti ziska pli gran, ti montre bokou lentere pour li. Zot ti dir: Sa zonm i li menm manifestasyon pwisans Bondye ki zot apel Gran Pouvwar.

Oze 4:12

Mon pep i kestyonn son morso dibwa; son baton mazik ki donn li larepons. En divan prostitisyon in soufle lo zot e i'n fer zot egare. Zot in tonm dan prostitisyon akoz zot in elwannyen avek zot Bondye.

Ezekyel 21:21

Lerwa Babilonyen i debout dan krwaze semen pour tir osor. I sekwe son bann dart; i konsilte son bann stati; i egzamin lefwa zannimo.

Ezai 30:1

La sa ki SENYER i deklare: Maler lo zot bann zanfan rebel! Zot fer bann plan ki pa sorti kot mwan. Zot siny bann lalyans ki mon pa aprouve e akimil pese enn lo lot.

2 Rwa 16:15

Lerwa Akaz ti donn sa lord pret Ouri: Lo sa gran lotel ou ava ofer sakrifis konplet bomaten ek sakrifis vezetal aswar, sakrifis konplet pour lerwa, avek son sakrifis vezetal, sakrifis konplet lepep antye, son bann lofrann vezetal ek son bann lofrann labwason. Ou ava asperz lotel avek disan bann sakrifis konplet e tou lezot sakrifis. Me pour lotel an bronz, mon ava okipe mwan menm.

Ziz 18:14

Alor, sa senk zonm ki ti'n al eksplor pei Lais, ti dir zot bann frer, “Eski zot konnen ki dan enn sa bann lakaz, i annan en rob pret, bann pti stati sakre ek en stati an metal? Aprezan, zot ki konnen ki pour fer.”

Ziz 17:13

Mise ti dir, “Aprezan, mon konnen ki SENYER ava fer mwan dibyen akoz sa levit in vin mon pret.”

Ziz 17:5

Konmsa, Mise ti ganny en sanktyer. I ti fer en rob pour pret mete ek bann pti stati ki reprezant en bondye. Apre, i ti met enn son bann garson koman pret.

Ziz 18:4

I ti reponn zot, “Mise in fer tel, tel keksoz pour mwan; in ofer mwan en lapey e mon'n vin son pret.”

Ziz 18:6

Sa pret ti reponn zot, “Al anpe. Sa vwayaz ki zot pe antreprann i anba proteksyon Bondye.”

1 Samyel 9:9

Lontan dan pei Izrael, ler en dimoun ti oule konsilte Bondye, i ti dir: Annou al kot vwayan, sa ki nou apel profet ozordi.