Ziz 16:28 - Labib An Kreol Seselwa

²⁸ Sanmson ti envok SENYER. I ti dir, “Senyer BONDYE! Mon priy ou mazin mwan; zis pour safwasi, mon Bondye, donn mwan lafors pour mwan vanz bann Filisten pour mon de lizye.”

Ziz 16:28 Referans Kwoze

Zeremi 15:15

Zeremi ti dir SENYER: Ou konn tou! Pa oubliy mwan, vin sekour mwan SENYER. Vanz dan mon plas mon bann lennmi ki persekit mwan. Pa pran bokou pasyans avek zot, sankwa zot ava ganny letan touy mwan. Akoz ou ki mon siport sa bann lensilt.

Psonm 143:12

Dan ou fidelite, ekstermin mon bann lennmi, detri mon bann ladverser akoz mon ou serviter.

Revelasyon 6:10

Zot ti kriye avek en lavwa for: Ziska kan, Senyer sen e vre, ki ou pou tarde ziz e vanz nou disan lo bann zabitan later?

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

2 Timote 4:14

Aleksann, sa forzron, in fer mwan bokou ditor. Senyer ki pou rann li sa ki i merite.

Psonm 116:4

Alor, mon ti kriy non SENYER: Pitye SENYER! Sov mwan.

2 Kronik 20:12

Nou demann ou, nou Bondye: Pa in ler pour ou etabli lazistis kont zot? Nou santi nou, feb devan sa gran larme ki pe vin atak nou, nou pa konnen ki nou pou fer, me nou lizye i reste fikse lo ou.

Ziz 15:18

En gran laswaf ti pran li. Alor, i ti priy SENYER, “Ou ki'n donn mwan, ou serviter, sa gran laviktwar. Aprezan, eski mon pou mor laswaf e tonm dan lanmen sa bann ensirkonsi?”

Ziz 5:31

SENYER! Fer ou bann lennmi disparet parey. Fer ou bann zanmi vin parey soley ler i leve dan tou son pwisans. E pei ti dan lape pandan 40 an.

Ebre 11:32

Ki mon devre dir ankor? Napa ase letan pour mwan koz lo Zedeon, Barak, Sanmson, Zefte, David, Samyel, ek bann profet.

Zonas 2:7

Kan lanmor ti pre avek mwan, mon ti mazin SENYER. Mon lapriyer ti mont kot ou, e dan ou tanp sen, ou ti ekout mwan.

Ziz 16:27

Batiman ti ranpli avek zonm ek fanm; tou bann sef Filisten ti la. Ti annan anviron 3,000 dimoun, zonm ek fanm lo graden, pour get Sanmson fer boufon.

Ziz 16:29

Sanmson ti tat sa de kolonn milye, ki tanp ti repoz lo la. I ti apiy kont zot, enn avek son lanmen drwat e lot avek son lanmen gos.

Psonm 10:12

Leve SENYER! Mon Bondye! Lev ou lanmen. Pa oubliy bann malere!