Ziz 16:27 - Labib An Kreol Seselwa

²⁷ Batiman ti ranpli avek zonm ek fanm; tou bann sef Filisten ti la. Ti annan anviron 3,000 dimoun, zonm ek fanm lo graden, pour get Sanmson fer boufon.

Ziz 16:27 Referans Kwoze

Deterononm 22:8

Si ou konstri en nouvo lakaz, ou ava met en balistrad toultour son twa. Otreman, si en dimoun i tonbe sorti lo ou twa, ou riske responsab son lanmor.

2 Samyel 11:2

En zour, tar apremidi, David ti leve apre ki i ti'n fini repoze, e i ti pe pronmnen lo twa son pale. Depi la, i ti apersevwar en fanm pe bennyen; sa fanm ti tre zoli.

Zozye 2:8

Avan ki bann espyon ti al dormi, Rahab ti mont lo twa son lakaz.

Ziz 9:51

Dan milye lavil, ti annan en tour fortifye kot tou bann zabitan, zonm, fanm, ek tou bann sef lavil ti'n al refizye. Zot ti'n ferm zot dan sa tour e mont lo son twa plat.

Ziz 16:26

Sanmson ti dir avek sa zennonm ki ti pe atrap son lanmen, “Fer mwan tous sa bann kolonn ki siport sa tanp e les mwan apiy avek zot.”

Ziz 16:28

Sanmson ti envok SENYER. I ti dir, “Senyer BONDYE! Mon priy ou mazin mwan; zis pour safwasi, mon Bondye, donn mwan lafors pour mwan vanz bann Filisten pour mon de lizye.”