Ziz 16:25 - Labib An Kreol Seselwa

²⁵ Letan zot ti dan lazwa, zot ti dir, “Anmenn Sanmson pour li anmiz nou.” Zot ti fer Sanmson sorti dan prizon. I ti konmans fer boufon devan zot. Zot ti met li debout ant bann kolonn.

Ziz 16:25 Referans Kwoze

2 Samyel 13:28

Absalon ti donn sa lord son bann serviter, “Vey byen ler Amnon i soule avek diven, e mon ava dir: Tap Amnon! Zot ava touy li. Pa per, mwan ki donn zot lord. Pran kouraz, montre ki zot brav.”

Ziz 19:6

Tou le de ti asize. Ansanm, zot ti manze e bwar. Apre, papa sa zenn fanm ti dir son zann, “Aksepte pas lannwit isi e anmiz ou.”

Ziz 9:27

Zot ti al dan lakanpanny pour rekolte zot rezen ki zot ti kraze pour fer diven e apre, fer lafet. Zot ti al dan tanp zot bondye kot zot ti manze e bwar; apre, zot ti modi Abimelek.

Ebre 11:36

Lezot ankor, ti siport bann mokri, ganny fwete. Serten ti ganny ansennen e met dan prizon.

Matye 27:29

Zot ti tres en kouronn avek bann brans pikan e met lo son latet. Zot ti met en baton dan son lanmen drwat. Azenou devan li, zot ti gognard li, “Viv lerwa bann Zwif!”

Ezai 22:13

Me zot in viv dan lazwa ek plezir: Zot ti touy bef, egorz mouton, manz lavyann e bwar diven. Zot dir: Annou manze, annou bwar akoz demen nou pou mor.

Psonm 69:26

Annefe, zot pe persekit sa bann ki ou'n deza pini; zot kont bann kou ki i'n gannyen.

Psonm 69:12

Bann ki asiz obor semen i malparl mwan; bann soular i konpoz mwan dan sanson.

Ester 3:15

Bann mesaze ti al toudswit, lo lord lerwa. Dekre ti ganny pibliye dan Siz, lavil kapital. Lerwa avek Haman ti asize pour bwar, tandis ki lavil Siz ti dan boulvers.

1 Rwa 20:12

Ler Benn-Hadad ti antann sa parol, i ti pe bwar avek bann lerwa anba latant. I ti donn lord son bann zonm, “Pran zot pozisyon!” Zot ti pozisyonn zot devan lavil.

Ziz 19:9

Sa zonm ti leve pour li ale avek son menazer ek son serviter. Me son boper, papa sa zenn fanm ti dir li, “Lazournen pe fini, aswar pe fer; pas lannwit isi. Lazournen pe fini, pas lannwit isi; kontinyen anmiz ou. Demen zot ava lev granmaten pour pran larout e ou ava retourn kot ou.”

Ziz 18:20

Sa pret ti dan lazwa. I ti pran rob pret, bann pti stati sakre ek zidol an metal e al parmi sa bann dimoun.

Ziz 16:24

Ler lepep ti war Sanmson, zot ti selebre devan zot bondye. Zot ti dir, “Nou bondye in livre nou lennmi dan nou lanmen; sa enn ki ti pe devaste nou pei e ki ti pe touy en kantite parmi nou.”

Ziz 16:26

Sanmson ti dir avek sa zennonm ki ti pe atrap son lanmen, “Fer mwan tous sa bann kolonn ki siport sa tanp e les mwan apiy avek zot.”

Ester 1:10

Setyenm zour lafet, kan i ti'n konmans soule avek diven, lerwa ti apel Mehoumann, Bizta, Harbona, Bigta, Abagta, Zetar ek Karkas, set enik ki ti dan servis lerwa Zerzes.