Ziz 16:15 - Labib An Kreol Seselwa

¹⁵ Dalila ti dir li, “Koman ou kapab dir ou kontan mwan, alor ki ou leker pa avek mwan. I fer trwa fwa ki ou'n tronp mwan e ou pa'n dir mwan kote ou gran lafors i sorti.”

Ziz 16:15 Referans Kwoze

Ziz 14:16

Fanm Sanmson ti plere avek li. I ti dir li, “Ou ay mwan! An realite, ou pa kontan mwan. Ou'n propoz en zedmo avek mon bann zanmi, parmi mon pep, me ou pa'n donn mwan son leksplikasyon.” Me Sanmson ti reponn, “Mon pa'n eksplik sa zedmo avek mon papa, ni avek mon manman. Akoz fodre mon eksplik ou?”

1 Zan 5:3

Annefe, lanmour pour Bondye, se ki nou obei son komannman; e son bann komannman pa en fardo.

Levanzil dapre Zan 15:10

Si zot obei mon bann komannman, zot pou reste dan mon lanmour, parey mwan, mon'n obei komannman mon Papa e mon reste dan son lanmour.

Levanzil dapre Zan 14:15

Si zot kontan mwan, zot pou obei mon bann komannman.

Proverb 23:26

Mon garson! Donn mwan ou leker; pran plezir swiv mon legzanp.

Proverb 2:16

Konmsa, ou ava ganny delivre kont en fanm imoral; kont en fanm etranze avek parol anmyelan.

2 Samyel 16:17

Absalon ti dir Housai, “Sanmenm tou fidelite ki ou annan anver ou zanmi, David? Akoz ou pa ti al avek ou zanmi?”

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.

Zenez 29:20

Alor, Zakob ti servi Laban pandan set an pour Rasel. Sa letan ti pas tre vit, akoz lanmour ki i ti annan pour Rasel.

Ziz 16:14

Dalila ti fer li dormi, e ti tres set latres e atas zot avek en penny. Apre, i ti dir li, “Sanmson! Bann Filisten pe vin atak ou.” Alor, Sanmson ti leve dan son sonmey e i ti aras sa penny, son masin latwal avek lasenn.

Ziz 16:16

Afors ganny tourmante tou le zour par bann parol Dalila, Sanmson ti perdi pasyans.

Nehemi 6:4

Zot ti anvoy mwan, menm mesaz pandan kat fwa; mon ti rann zot menm repons.