Ziz 14:19 - Labib An Kreol Seselwa

¹⁹ Alor, lespri SENYER ti desann lo li, e Sanmson ti desann Askelonn. I ti touy 30 zonm, depouy e donn bann lenz lafet avek sa bann ki ti'n eksplik sa zedmo. I ti remont kot son papa byen ankoler.

Ziz 14:19 Referans Kwoze

1 Samyel 11:6

Ler Sail ti antann sa parol, lespri Bondye ti sezi li e i ti pran en gran lakoler.

Ziz 3:10

Lespri SENYER ti desann li e i ti vin ziz pep Izrael. I ti al lager e SENYER ti donn li laviktwar lo Kousann-Riseataim, lerwa Mezopotami. I ti fer santi son pouvwar kont Kousann-Riseataim.

Ziz 13:25

Lespri SENYER ti konmans travay dan Sanmson, dan Maane-Dann, ant Sorea ek Estaol.

Ziz 15:14

Ler Sanmson ti ariv Lei, bann Filisten ti vin rankontre li an kriyan. Alor, lespri SENYER ti pran kontrol Sanmson. Bann lakord ki ti otour son lebra ti vin parey lapay brile par dife, e tonbe dan son lanmen.

Ziz 14:6

Lespri SENYER ti pran kontrol Sanmson. Avek son lanmen pir, i ti desir sa lyon an de parey ler ou desir en pti kabri. Me i pa ti rakont son papa ni son manman sa ki i ti'n fer.

Ziz 14:18

Setyenm zour, avan soley kouse, zabitan lavil ti dir Sanmson, “Kwa ki pli dou ki dimyel, kwa ki pli for ki en lyon?” I ti dir zot, “Si zot pa ti'n al travay avek mon zenis, zot pa ti pou konn larepons mon zedmo.”

Ziz 1:18

Bann zonm Zida ti osi kaptir lavil Gaza avek tou son teritwar: Gaza, Askelonn, Ekronn, sakenn avek son teritwar.

1 Samyel 6:4

Bann Filisten ti demande, “Ki kalite rekonpans nou kapab ofer li?” Zot ti reponn, “Senk lobze annor ek senk souri annor dapre lakantite sef Filisten, akoz menm fleo ti tonm lo zot tou e lo bann sef osi.

1 Samyel 6:17

Bann Filisten ti'n ofer SENYER bann lobze annor pour reparasyon zot fot: Enn pour Asdod, enn pour Gaza, enn pour Askelonn, enn pour Gat, e enn pour Ekronn.