Ziz 14:17 - Labib An Kreol Seselwa

¹⁷ Pandan sa set zour festen, i pa ti arete plere avek li. I ti pe telman tourmant li ki son setyenm zour, i ti eksplik li. Alor, i ti al eksplik sa zedmo avek son bann zanmi.

Ziz 14:17 Referans Kwoze

Ziz 16:16

Afors ganny tourmante tou le zour par bann parol Dalila, Sanmson ti perdi pasyans.

Levanzil dapre Lik 11:8

Mon dir zot, i pa pou leve pour donn li dipen, menm si i son zanmi. Me akoz son zanmi in ensiste san vergonny, i ava leve e donn li tou sa ki i bezwen.

Proverb 7:21

Sa fanm in anmyel li e sedwir li. I ti antrenn li avek bann parol flater.

Liv Zob 2:9

Son fanm ti dir li, “Ou kontinyen reste fidel. Modi Bondye e apre mor!”

Ziz 16:13

Dalila ti dir Sanmson, “Ziska aprezan, ou'n tronp mwan, ou'n koz manti avek mwan. Dir mwan avek kwa fodre anmar ou?” I ti reponn, “Si ou fer set latres avek mon seve ki ou atas avek en latwal, e ser tousala avek en penny, mon pou vin feb parey nenport ki.”

Ziz 16:6

Dalila ti demann Sanmson, “Dir mwan, kote ou ganny sa gran lafors e avek kwa fodre anmar ou pour kapab kontrol ou?”

Zenez 3:6

Sa fanm ti war ki fri sa pye dibwa ti zoli e bon pour manze. I ti donn li lanvi manze pour li ganny konnesans. I ti pran enn e i ti manze. I ti donn osi en morso son mari ki ti obor li, e i ti manze.

Ziz 14:16

Fanm Sanmson ti plere avek li. I ti dir li, “Ou ay mwan! An realite, ou pa kontan mwan. Ou'n propoz en zedmo avek mon bann zanmi, parmi mon pep, me ou pa'n donn mwan son leksplikasyon.” Me Sanmson ti reponn, “Mon pa'n eksplik sa zedmo avek mon papa, ni avek mon manman. Akoz fodre mon eksplik ou?”

Ziz 14:18

Setyenm zour, avan soley kouse, zabitan lavil ti dir Sanmson, “Kwa ki pli dou ki dimyel, kwa ki pli for ki en lyon?” I ti dir zot, “Si zot pa ti'n al travay avek mon zenis, zot pa ti pou konn larepons mon zedmo.”

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Mise 7:5

Pa bezwen fye lo ou zanmi, pa fer konfyans ou bann pros. Pa ouver ou labous avek sa fanm ki dormi dan ou lebra.