Ziz 13:20 - Labib An Kreol Seselwa

²⁰ en laflanm ti sorti kot lotel e mont ver lesyel. Mesaze SENYER ti mont dan sa bann laflanm depi lotel. Ler zot ti war sa, Manoa ek son fanm ti tonm lafas ater.

Ziz 13:20 Referans Kwoze

Levitik 9:24

En dife ti sorti devan SENYER e devor sakrifis konplet ek lagres lo lotel. Pep Izrael antye ti war sa; zot ti kriye avek lazwa e tonm lafas ater.

1 Kronik 21:16

David ti lev son lizye e war mesaze SENYER devan li, ant lesyel ek later; dan son lanmen ti annan en lepe leve dan direksyon Zerizalenm. Alor, David avek bann ansyen, ti abiy zot dan lenz dey e tonm lafas ater.

2 Rwa 2:11

Letan zot ti pe kontinyen koze an marsan, zot ti ganny separe par en kales dife ek bann seval dife e Eli ti mont dan lesyel dan en tourbiyon.

Ezekyel 1:28

Sa lalimyer otour li ti parey en larkansyel dan nyaz apre en zour lapli. I ti reflekte laglwar SENYER. Kan mon ti war sa, mon ti tonm lafas ater e mon ti antann en lavwa.

Matye 17:6

Kan bann disip ti antann sa lavwa, zot ti per. Zot ti tonm lafas ater.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

1 Kronik 21:26

I ti konstri en lotel pour SENYER la. I ti ofer li en sakrifis konplet ek sakrifis lape. I ti priy SENYER e i ti reponn li par en dife ki ti sorti dan lesyel, ki ti desann lo lotel sakrifis.

Zenez 17:3

Abranm ti tonm lafas ater. Bondye ti koz avek li. I ti dir li,

Danyel 10:9

Mon ti antann son lavwa; mon ti antann son lavwa e mon ti tonm san konnesans, lafas ater.

Ezekyel 1:26

Zis par lao sa twa ki ti lo zot latet, ti annan en lobze parey safir e ki ti resanble en tronn; par lao tronn, ti annan en laform ki ti resanble en imen.

Psonm 47:5

Bondye i monte dan milye bann laklamasyon. SENYER i avanse avek lanmizik tronpet.

Ziz 6:19

Zedeon ti al prepar en zenn kabri; i ti fer bann dipen san lelven avek anviron 30 kilo lafarin. I ti met lavyann dan en pannyen ek lasos dan en po; i ti anmenn tousala kot li anba pye dibwa sakre.

Ziz 6:21

Avek baton ki ti dan son lanmen, mesaze SENYER ti tous lavyann ek bann dipen san lelven. En dife ti sorti dan ros e bril sa lavyann ek bann dipen san lelven. Apre, mesaze SENYER ti disparet.

1 Kronik 21:21

David ti mont kot Ornann. De ki i ti war lerwa, i ti sorti e prostern devan li, lafas ater.