Ziz 11:39 - Labib An Kreol Seselwa

³⁹ Apre de mwan, i ti retourn kot son papa ki ti akonpli son ve ki i ti'n fer. I pa ti ankor konn okenn zonm. Sa ti vin en koutim dan Izrael:

Ziz 11:39 Referans Kwoze

Ziz 11:31

si mon retournen apre laviktwar kont zot, sa premye dimoun ki ava sorti dan mon lakaz pour akeyir mwan, ava pour SENYER; mon ava ofer li koman en sakrifis konplet.”

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

1 Samyel 2:18

Sa pti garson, Samyel, abiye dan en lefod fer avek latwal linenn, ti kontinyen servi SENYER.

1 Samyel 1:28

Aprezan, i mon tour pour donn li SENYER. I ava reste pour SENYER tou dilon son lavi.” Alor, zot tou, zot ti prosternen devan SENYER.

1 Samyel 1:24

Apre ki i ti'n sevre li, i ti anmenn li dan tanp Silo. I ti pran osi avek li en pti toro 3 an, en sak lafarin ek en sak ranpli avek diven.

1 Samyel 1:22

Me Ann pa ti al avek li. I ti dir son mari, “Ler nou garson ava'n sevre, mon ava anmenn li e prezant li devan SENYER; i ava reste laba pour touzour.”

1 Samyel 1:11

I ti fer sa ve: SENYER Toupwisan! Si ou zet en regar lo ou servant, dan son leta mizer, si ou pran pitye e pa oubliy ou servant; si ou donn mwan en garson, mon pou konsakre li tou son lavi pour servi ou. Razwar pa pou zanmen pas lo son latet.

Deterononm 12:31

Ou pa pou azir konmsa anver SENYER, ou Bondye, akoz sa bann nasyon in fer toudsort keksoz degoutan pour zot bann bondye ki SENYER i deteste. Zot ti menm bril zot bann garson ek zot bann fiy an sakrifis, an loner zot bann bondye.

Ziz 11:38

Son papa ti dir li, “Ale.” I ti les li ale pour de mwan. I ti al dan bann montanny avek son bann zanmi e pler son virzinite.

Ziz 11:40

Toulezan, pandan kat zour, bann zenn fiy dan Izrael, zot al selebre fiy Zefte ki sorti Galaad.

2 Kronik 35:25

Profet Zeremi ti konpoz en kantik dey lo lerwa Zozyas. Depi sa lepok ziska ozordi, tou bann santer ek santez i fer mansyon Zozyas dan zot bann kantik dey. Sa i en koutim ki'n reste dan pei Izrael. Sa bann kantik in reste dan koleksyon Lamantasyon.