Ziz 11:35 - Labib An Kreol Seselwa

³⁵ Koman Zefte ti war li, i ti desir son lenz. I ti dir, “Mon fiy! Ou met mwan dan dezespwar. Ou osi, ou fer maler tonm lo mwan. Mon'n angaz mwan devan SENYER e mon pa kapab retourn annaryer.”

Ziz 11:35 Referans Kwoze

Psonm 15:4

me i rezet bann malfeter, e i onor sa enn ki annan respe pour SENYER. I gard son promes, i annan en sel parol.

Liv Zob 1:20

Alor Zob ti leve. I ti desir son lenz e raz son latet. I ti tonm ater e prosternen.

2 Samyel 18:33

Boulverse, lerwa David ti mont dan son lasanm ki ti trouv par lao laport lavil, pour li plere. An marsan i ti kontinyen repete: Mon garson Absalon, mon garson, mon garson! Si mon ti'n kapab mor dan ou plas! Absalon, mon garson, mon garson!

Akt de Zapot 23:14

Alor, zot ti al kot bann gran-pret ek bann ansyen e dir zot, “Nou'n fer en serman pour pa manz nanryen ziska ki nou'n touy Pol.

2 Samyel 3:31

David ti dir avek Zoab ek tou bann zonm ki ti avek li, “Desir zot lenz e met lo zot lenz dey e plere pour Abner.” David li menm ti mars deryer korbiyar.

Nonm 14:6

Parmi bann ki ti'n al eksplor pei, Zozye, garson Noun ek Kaleb, Garson Yefoune, ti desir zot lenz.

Zozye 7:6

Alor, Zozye, ensi ki bann ansyen dan Izrael, ti desir zot lenz, tonm lafas ater devan Kof Lalyans SENYER, ziska aswar. Zot ti zet lapousyer lo zot latet.

Psonm 66:13

Mon pou antre dan ou sanktyer avek bann sakrifis konplet. Mon pou gard bann ve ki mon ti'n fer.

Psonm 66:14

Mon pou akonpli promes ki mon ti fer ler mon ti dan maler.