Ziz 1:20 - Labib An Kreol Seselwa

²⁰ Parey Moiz ti'n ordonnen, Kaleb ti ganny lavil Hebron. I ti sas sa trwa garson Anak.

Ziz 1:20 Referans Kwoze

Ziz 1:10

Zida ti al atak bann Kananeen ki ti pe reste Hebron, ki avan, ti apel Kiryat-Arba. Zot ti bat Sesai, Ahimann ek Talmai.

Deterononm 1:36

eksepte Kaleb, garson Yefoune. Li, i pou war sa pei. Mon pou donn li ek son bann desandan sa pei kot in met son lipye, akoz son fidelite anver SENYER.

Nonm 14:24

Me akoz mon serviter Kaleb ki ti annan en lot lespri, ki'n reste tre fidel anver mwan, mon pou anmenn li dan sa pei ki i'n al eksplore. I ava pran posesyon sa later osi byen ki son desandan.

Nonm 13:22

Zot ti mont atraver dezer Negev dan Sid ziska Hebron, la kot Ahimann, Sesai e Talmai, desandan Anak ti reste. Hebron ti'n ganny konstri set an avan Soann, ki dan pei Lezip.

Zozye 10:36

Zozye avek tou bann Izraelit ti monte depi Eglonn ziska Hebron ki zot ti atake.

Zozye 11:21

Sa lepok, Zozye ti vin detri tou sa bann zean Anakit ki reste dan montanny, depi Hebron, Debir, Anab e dan bann pei montanny Zida ek Izrael.

Zozye 14:15

Otrefwa, Hebron ti apel Kiryat-Arba. Arba ti zonm pli renonmen parmi bann zean Anakit. Pei ti reste anpe, san okenn lager.