Zeremi 9:10 - Labib An Kreol Seselwa

¹⁰ Mon pou lamante lo bann montanny e plere pour bann laplenn, akoz zot in ganny brile. Personn pa pase e nepli annan tapaz bann troupo. Zwazo ek zannimo sovaz in ale; pa reste nanryen.

Zeremi 9:10 Referans Kwoze

Zeremi 12:4

Later i sek, zerb in fletri. Zannimo ek zwazo pe mor. Tousala, akoz mesanste sa bann dimoun ki'n dir: Bondye pa war sa ki nou pe fer.

Oze 4:3

Pour sa rezon pei pou dan dey, son bann zabitan pe deperi ansanm avek bann zannimo sovaz, bann zwazo dan lesyel. Menm bann pwason dan lanmer pe disparet.

Ezekyel 33:28

Mon pou detri sa pei e fer li vin en landrwa devaste; son lafors ki fer son lorgey pou disparet. Bann montanny Izrael pou ganny devaste; personn pa pou pas par la.

Ezekyel 29:11

Personn pa pou travers li, pa menm zannimo. Pandan 40 an i pou reste san zabitan.

Ezekyel 14:15

Si mon anvoy bann bebet feros atraver pei e ki zot devor bann zabitan, devaste pei e ki personn pa kapab pase akoz sa bann zannimo sovaz,

Zeremi 12:10

Bann berze avek zot troupo in detri mon plantasyon rezen. Zot in pil lo mon later; zot in transform mon zoli plantasyon e fer li vin en dezer ranpli avek latristes.

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Lamantasyon 2:11

Mon lizye i fatige plere. Mon leker i boulverse, mon dan dezespwar. Lennmi in detri mon pep. Bann zanfan e bann pti baba pe mor lo bann semen dan lavil.

Lamantasyon 1:16

Se pour sa bann rezon ki mon pe plere. Mon lizye pe noye dan larm, akoz mon konsolater, sa enn ki kapab redonn mwan lavi, in abandonn mwan. Napa okenn lavenir pour mon bann zanfan, akoz lennmi in ranport laviktwar.

Zeremi 23:10

Sa pei i ranpli avek dimoun ki komet adilter. Akoz malediksyon Bondye, pei i an dey, e zerb i konpletman sek. Zot taye pour fer sa ki mal e zot servi zot kouraz pou fer sa ki devret.

Zeremi 14:6

Bann bourik sovaz i reste dan montanny. Zot pran lapis dan divan parey bann sakal. Zot lizye i fatige afors rod zerb. Me nepli annan.

Zeremi 8:18

Napa okenn remed pour geri mon lapenn. Mon leker i fer mal.

Zeremi 2:6

Zot pa ti dir: Nou bezwen retourn kot SENYER ki'n fer nou sorti Lezip, ki'n gid nou dan dezer, kot i annan presipis, kot nanryen pa pouse. I fernwanr, napa personn ki reste e personn pa pase la.

Ezai 49:19

I vre ki ou bann zabitan pou santi zot sere lo sa later ki'n ganny devaste, en landrwa dezer, en landrwa ki'n ganny detri, e bann ki ti oule devor ou ava'n fini ale.

Ezai 41:15

Mon pou fer ou vin en zouti pour bat dible, avek lapwent byen fite. Ou pou kraz bann montanny e transform zot an lapousyer e ou pou fer bann kolin vin lapay.

Zeremi 50:3

En nasyon sorti dan Nor pe vin atak Babilonn e fer pei vin en landrwa devaste; personn pa pou reste la. Dimoun ek zannimo pou sove.

Ezekyel 27:2

Ou ki en imen, sant en kantik dey lo lavil Tir.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zoel 1:19

Ver ou SENYER, mon pe kriye, zerb ek pye dibwa in sek partou, konmsi en laflanm dife ki'n bril tou.

Amos 5:1

Ekout sa parol, sa kantik dey ki mon pe sant lo ou, Izrael:

Amos 5:16

Alor, la sa ki SENYER, Bondye liniver, SENYER i deklare: Dan bann semen lavil, dimoun pou antann zis bann kantik dey, ek bann kriye lafreyer dan bann plas piblik. Bann fermye pou ganny apele pour zot fer dey e bann fanm pou vin sant kantik dey.

Mise 2:4

Sa zour, zot pou met ou dan sanson. Zot pou sant en konplent kont ou: Nou'n ganny konpletman devaste. Zot in sezi tou teritwar mon pep. Ki pe arive? Zot in aras mwan tou! Nou later i ganny partaze ant zot.

Zeremi 2:15

Zot kriy avek li parey bann zenn lyon ki fer tande zot lavwa. Zot in detri son pei konpletman. Personn pa reste dan bann lavil brile.

Zeremi 12:11

Zot in fer li vin en rezyon devaste ki'n ganny marke par dey. Pei antye in ganny detri e personn pa pran okenn ka.

Lamantasyon 5:18

Akoz montanny Siyon in ganny abandonnen, bann sakal eran i dan semen.

Ezekyel 6:6

Partou kot zot ete, zot bann lavil pou ganny devaste, landrwa sakre detri, lotel, zidol ek bann brazye lansan kas an morso e tou sa ki zot in fer pou disparet.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.