Zeremi 8:22 - Labib An Kreol Seselwa

²² Eski nepli annan remed dan Galaad? Nepli annan dokter laba? Akoz ki blesir mon pep pa'n geri?

Zeremi 8:22 Referans Kwoze

Zeremi 46:11

Bann Ezipsyen! Monte ziska Galaad pour zot rod en latizann ki pou geri zot bann blesir. Me sa pa servi dan nanryen akoz zot bann blesir pa pou geri.

Zenez 37:25

Answit, zot ti asize pour manze. Zot ti war en karavann bann Ismaelit sorti Galaad, zot bann samo ti pe anmenn parfen, lagonm ek lamir, ki zot ti pe anmenn Lezip.

Zeremi 51:8

En sel kou, Babilonn in tonbe e in ganny detri. Sant bann kantik dey lo li. Met en kataplas lo son boubou; kekfwa i ava kapab ganny geri!

Levanzil dapre Lik 8:43

Ti annan en fanm ki ti pe perdi disan depi 12 an. I ti'n depans tou sa ki i ti posede, kot dokter. Me personn pa ti kapab geri li.

Zenez 43:11

Alor, Izrael, zot papa, ti dir zot, “Fer sa ki neseser: Pran en pe meyer prodwi sa pei met dan zot sak, e anmenn koman en kado pour sa zonm: En pe lesans, en pe dimyel, zepis, pistas ek zamann.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Zeremi 14:19

Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Lamantasyon 2:13

Zerizalenm! Ki mon kapab dir dan ou faver? Avek ki mon kapab konpar ou? Ki mon kapab fer pour konsol ou? Zanmen personn in soufer parey ou. Dezas ki ou'n pas ladan i osi gran ki losean. Lekel ki pou kapab geri ou?

Nonm 32:1

Tribi Riben ek Gad ti annan bann gran troupo zannimo. Ler zot ti remarke ki teritwar Yazer ek Galaad ti bon pour elvaz zannimo,

Zeremi 6:7

Son mesanste i parey en sours ki kontinyen koule. Ou antann koz zis vyolans ek destriksyon. Partou, ou war zis blesir ek soufrans.

Zeremi 9:11

Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Zeremi 22:6

Annefe, la sa ki SENYER i deklare kont pale lerwa Zida: Pour mwan, ou osi zoli ki lafore Galaad, ki latet montanny Liban. Me san fot, mon pou fer ou vin en dezer, en lavil san zabitan.

Ezekyel 27:17

Pep Zida ek Izrael ti fer komers avek ou; annesanz pour ou prodwi zot ti fourni ou dible, zoliv ek fig kont sezon, dimyel ek lesans.