Zeremi 8:21 - Labib An Kreol Seselwa

²¹ Mon leker i fermal akoz mon pep in ganny kraze. Mon vreman tris; mon dan dezespwar.

Zeremi 8:21 Referans Kwoze

Zeremi 14:17

La sa ki ou ava dir lepep: Mon lizye i ranpli avek larm nwit e zour; mon pa aret plere, akoz mon pep ki mon kontan parey mon fiy in soufer en kantite. Son blesir i vreman grav.

Nahoum 2:10

Tou in ganny vole; tou in kase; tou in ganny kraze! Bann leker in perdi kouraz, zenou i tranble, lafors in afebli, bann figir in vin pal!

Zoel 2:6

Lepep i tranble kan zot war sa; zot vin pal avek lafreyer.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Zeremi 4:19

Zot! Mon vant i fer mal. I vreman fer mal! Mon leker pe palpit anmor. Mon pa kapab reste trankil. Mon bezwen koze. Mon antann tronpet pe soufle ek bann tapaz lager.

Levanzil dapre Lik 19:41

Kan Zezi ti apros Zerizalenm, i ti get sa lavil e i ti plere.

Zeremi 17:16

Me mwan SENYER, zanmen mon'n demann ou anvoy okenn maler lo zot. Mon pa'n zanmen swete ki dezas i tonm lo zot. Ou menm ki konnen tou parol ki'n sorti dan mon labous i devan ou.

Nehemi 2:3

Mon ti reponn lerwa, “Viv lerwa pour touzour! Mon annan rezon tris, akoz lavil kot mon bann zanset in ganny antere, in ganny abandonnen e son bann laport in ganny detri par dife.”

Zeremi 8:20

Larekolt in ganny fer; sezon lete pe fini. Me nou, nou la; nou pa'n ganny sove.

Zeremi 14:2

Zida i an dey; son bann lavil pe tonm anrin. Son bann zabitan pe asiz ater. Zerizalenm pe kriy ver lesyel.

Lamantasyon 3:1

Mwan menm sa zonm ki'n konn maler anba baton lakoler Bondye.