Zeremi 6:7 - Labib An Kreol Seselwa

⁷ Son mesanste i parey en sours ki kontinyen koule. Ou antann koz zis vyolans ek destriksyon. Partou, ou war zis blesir ek soufrans.

Zeremi 6:7 Referans Kwoze

Ezekyel 7:23

Fabrik en lasenn, akoz pei i ranpli avek krim, lavil i ranpli avek vyolans.

Ezekyel 7:11

Vyolans in ogmante pour vin en baton mesanste. Nepli reste nanryen: Ni zot labondans, ni zot larises, ni zot lenportans, ni zot lafoli grander!

Zeremi 20:8

Sak fwa ki mon bezwen koze, fodre ki mon kriye pour anonse: Vyolans ek destriksyon. SENYER! Akoz mon proklanm ou mesaz, dimoun i ensilte mwan e monk mwan.

Ezai 57:20

Me bann move dimoun, zot parey gro lanmer; zot pa kapab reste trankil; zot bann laroul i brouy labou ek salte.

Ezekyel 24:7

Disan ki Zerizalenm in fer koule, i'n reste dan lavil. I'n koul lo ros, pa dan later, ni kot i pou ganny kouver avek lapousyer.

Proverb 4:23

Sirtou, vey lo ou leker, akoz i sours lavi.

Ezai 59:6

Lakaz bib pa ase pour fer lenz; i pa ni ase pour zot kouver zot avek sa ki zot fer. Rezilta zot travay i koz zis maler; zot lanmen i ranpli avek aksyon vyolan.

Zeremi 30:12

La sa ki SENYER i deklare: Ou maladi pa kapab ganny swannyen, ou blesir pa kapab geri.

Zeremi 30:13

Napa personn pou pran konsiderasyon pour ou. Napa remed pour ou bann boubou; napa okenn gerizon pour ou.

Zeremi 32:31

Depi zour ki lavil Zerizalenm ti ganny konstri, e ziska ozordi, son bann zabitan in provok mwan e fer mon lakoler monte. Pour sa rezon ki mon pou fer li disparet.

Ezekyel 45:9

La sa ki Senyer BONDYE i deklare: Bann prens ki gouvern Izrael! Ase! Aret fer vyolans ek viktimizasyon. Respekte lalwa ek lazistis; aret vol bann byen ki pour mon pep, Senyer BONDYE i deklare.

Ezai 1:6

Depi lipye ziska latet, napa nanryen ki dan en bon leta. Partou i annan boubou ek blesir ki pe sennyen, e ki personn pa'n netwaye, ni panse, oubyen kalme avek delwil.

Zeremi 8:22

Eski nepli annan remed dan Galaad? Nepli annan dokter laba? Akoz ki blesir mon pep pa'n geri?

Zeremi 30:15

Akoz ou plennyen lo ou bann blesir? Napa okenn remed pour ou. Mon'n pini ou konmsa akoz ou koupab en kantite e ou'n komet bokou pese.

Ezekyel 21:29

Malgre bann fo vizyon lo ou, bann prediksyon mansonz ki'n ganny fer, la i'n pare pour koup likou bann malfeter, bann kriminel. Ou letan in fini; zour pour ou aret ou bann krim pe arive.

Sofoni 3:1

Maler lo lavil rebel, lavil koronpi, lavil diktater!