Zeremi 6:4 - Labib An Kreol Seselwa

⁴ Zot kriye: Debout! Annou prepar nou pour atak Zerizalenm! Annou atak li dan milye lazournen! Me, apre zot pou dir: Domaz! Labrin e fernwanr pe fer. Lazournen pe fini.

Zeremi 6:4 Referans Kwoze

Zeremi 15:8

I annan pli bokou vev dan zot pei ki gren disab obor lanmer. Mon'n fer detri zot bann zennzan e zot manman in soufer. Mon'n anvoy langwas ek lafreyer pour anvai zot en sel kou.

Sofoni 2:4

Gaza pou ganny abandonnen; Askelonn pou ganny detri; Zabitan Asdod pou ganny sase gran lizour; Ekronn pou ganny demoli.

Zoel 3:9

Anons sa parmi bann nasyon! Met zot pare pour lager! Mobiliz bann gerye! Rasanble zot e met pare pour atake.

Zeremi 8:20

Larekolt in ganny fer; sezon lete pe fini. Me nou, nou la; nou pa'n ganny sove.

Zeremi 5:10

Mont lo bann miray, detri plantasyon rezen, me pa konpletman. Koup son bann brans akoz zot pa pour SENYER.

Kantik Salomon 2:17

Ou ki mon kontan! Ou ki mon kontan! Retournen avan soley i leve e bann lonbraz i disparet. Taye parey en gazel, parey en pti kabri lo bann montanny apik.

Zeremi 6:23

Son bann gerye i arme avek fles ek lans; zot kriyel e san pitye. Tapaz ki zot fer lo zot seval i parey en lanmer dan move tan. Zot in pare pour atak Zerizalenm.

Zeremi 15:9

Sa manman ki ti'n fer set zanfan in perdi konnesans; i pe mank respirasyon. Son lalimyer in sanz an fernwanr. In ganny kouver avek laont; in perdi son loner. Mon pou les lennmi touy tou sa ki ankor vivan, SENYER i deklare.

Abdyas 1:1

Vizyon Abdyas. La sa ki Senyer BONDYE i dir lo size Edonm: Senyer BONDYE i anvoy son mesaze kot bann nasyon e nou'n antann son mesaz: Annou met nou pare! Annou al atak Edonm!

Liv Zob 7:2

Parey en lesklav ki rod lonbraz; parey en labourer ki pe esper son lapey.

Mise 3:5

La sa ki SENYER i deklare kont bann profet ki'n egar mon pep: Lape, kan zot annan keksoz pour manze. Me zot deklar lager kont sa bann ki pa donn zot manze.