Zeremi 51:1 - Labib An Kreol Seselwa

¹ La sa ki SENYER i deklare: Mon pou anvoy en divan ki pou detri Babilonn e kont bann zabitan Leb-Kamai.

Zeremi 51:1 Referans Kwoze

Amos 3:6

Eski tronpet i sonnen dan lavil san fer enkyet bann zabitan? Eski en maler i arive dan en lavil si SENYER pa'n anvoye?

Oze 13:15

Menm si i pous byen parey move zerb, divan Les pe vini, SENYER pou anvoy li sorti dan dezer. Tou son sours delo, tou son pwi pou sek. Ou pou ganny depouye avek tou ou bann trezor.

Akt de Zapot 9:4

I ti tonm ater e i ti antann en lavwa ki ti dir li: Sol! Sol! Akoz ou persekit mwan?

Zakari 2:8

La sa ki SENYER liniver i deklare konsernan bann nasyon ki'n depouy ou: Sa enn ki tous ou, pou ganny zafer avek mwan.

Ezekyel 19:12

Me i ti ganny derasinen avek lakoler e ganny zet ater. Divan sorti dan Les ti fer li sek e son bann fri ti degrennen. Son bann brans byen for ti ganny detri par dife.

Zeremi 50:33

La sa ki SENYER liniver i deklare: Pep Izrael ek pep Zida i viktim zot lennmi ki'n gard zot e anpes zot sove.

Zeremi 50:29

Rasanble tou bann ki konn tir fles! Anvoy zot atak lavil Babilonn. Fer zot anserkle li. Pa les personn sove! Fer li pey tou sa bann dimal ki i'n fer. Tret li parey in tret lezot, akoz in azir avek lorgey kont mwan, SENYER, Bondye sen Izrael.

Zeremi 50:24

Babilonn! Ou'n provok SENYER. Alor, mon'n met en latrap pour ou, me ou pa ti konnen, e ou'n ganny pri. Ou'n ganny atrape, akoz ou ti provok SENYER.

Zeremi 50:21

La sa ki SENYER i deklare: Al atak bann zabitan Merataim ek Pekod! Touye! Detri zot tou konpletman. Fer tou sa ki mon'n ordonn ou.

Zeremi 50:9

Mon pe soulev en group bann gran nasyon for sorti dan pei Nor. Mon pour anvoy zot atak Babilonn. Zot pou pran zot pozisyon pour latak e zot pou kaptir lavil. En konbatan adrwa ki viz byen, pa zanmen mank son mark. En konbatan adrwat ki viz byen pa zanmen mank son mark.

Zeremi 49:36

Mon pou fer divan sorti dan kat kwen lesyel, soufle lo Elanm; mon pou dispers son pep partou, ziska ki ava napa okenn pei, kot zot pa'n al rod refiz.

2 Rwa 19:7

Mon pou met en lespri dan li; i pou antann en rimer e i pou retourn dan son pei. Mon pou fer li mor par lepe dan son prop pei.

Psonm 137:8

Babilonn! Ou pe al ganny detri. Byennere sa bann ki pou tret ou parey ou ti tret nou!

Zeremi 23:19

Lakoler SENYER i parey en tanpet, en divan tourbiyon lo latet bann move dimoun.

Ezai 13:13

Alor, mon pou fer lesyel tranble. Later pou ganny sekwe lo son fondasyon devan lakoler SENYER liniver, dan sa zour terib.

Ezai 14:14

Mon pou mont lo latet nyaz; mon pou vin parey Bondye Treo.

Ezai 21:1

En mesaz lo en Dezer Maritim! I pe vini parey en divan vyolan ki travers dezer Negev. I sorti dan dezer dan en pei terib.

Ezai 47:1

Babilonn, lavil vyerz! Desann lo ou tronn rwayal e vin asiz dan lapousyer. Fiy Babilonn! Vin asiz ater, san ou tronn. Ou pou nepli ganny apele Babilonn sansib e delika.

Zeremi 51:53

Menm si Babilonn ti ava mont ziska dan lesyel; menm si i ti ava ranforsi son bann fortifikasyon, mon pou kanmenm anvoy lennmi pour detri li, SENYER ki deklare.

Zeremi 51:60

Zeremi ti ekri dan en roulo li tou bann maler ki ti pou frap Babilonn, tou sa ki'n ekri lo size Babilonn.