Zeremi 5:21 - Labib An Kreol Seselwa

²¹ Ekout mwan byen, pep tro bet pour konpran. Ou annan lizye, me ou pa war. Ou annan zorey, me ou pa tande.

Zeremi 5:21 Referans Kwoze

Ezekyel 12:2

Ou ki en imen, ou ki viv parmi en pep rebel, zot annan lizye pour war, me zot pa war. Zot annan zorey pour antann, me zot pa tande; zot en pep rebel.

Akt de Zapot 28:26

Annefe, i ti deklare: Al kot sa pep e dir zot: Zot pou tande, me zot pa pou konpran. Zot pou gete, me zot pa pou war.

Romen 11:8

parey Lekritir i deklare: Bondye in donn zot en lespri sonmey, lizye ki pa war kler, e zorey ki pa tande, depi sa lepok ziska ozordi.

Levanzil dapre Zan 12:40

Bondye in rann zot lizye aveg. I'n ferm zot leker, pour ki zot pa war avek zot lizye, e zot pa konpran avek zot leker, pour ki zot pa retourn kot mwan, pour mwan geri zot.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Mark 8:18

Zot annan lizye, me zot pa war kler? Zot annan zorey, me zot pa tande? Zot pa rapel:

Zeremi 8:7

Menm sigonny i konnen kan pour li kit pei. Tourtrel, zirondel ek griv, zot konn sezon pour zot emigre. Me mon pep pa tenir kont bann regleman ki mon'n donn li.

Zeremi 5:4

Alor mon'n dir dan mwan menm: Zot zis dimoun senp; zot in azir koman bann fou. Zot pa konn lavolonte SENYER, zot pa konnen sa ki Bondye i demande.

Ezai 44:18

Zot pa konn nanryen; zot pa konpran nanryen. Zot lizye i bouse, zot pa war kler; zot lespri i bornen; zot pa ni war, ni konpran nanryen.

Psonm 94:8

Bann fou! Konpran sa. Kan eski zot pou konpran?

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Proverb 17:16

Ki en sonm larzan i kapab fer dan lanmen en fou? Pour li aste lasazes? Non, i tro bet pour fer menm sa.

Deterononm 32:6

Pep ensanse e fou! Konmsa ki ou remersye SENYER? Pa li ou papa ki'n kree ou, ki'n form ou e ki'n fer ou vin en pep?

Deterononm 29:4

Me ziska ozordi, SENYER pa'n donn zot en lespri disernman pour konpran, ni lizye pour war, ni zorey pour tande.

Oze 7:11

Efraim in vin parey en pizon timid san disernman. Zot demann led Lezip e zot al Asiri.

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Mark 4:12

pour ki, menm si zot gete, zot pa pou war. Menm si zot ekoute, zot pa pou konpran. Pangar si zot konpran, zot ava konverti, e zot ava ganny pardonnen.”

Romen 1:20

Annefe, depi ki Bondye in kree lemonn, nou war pwisans eternel ek divinite Bondye; nou disern li atraver son bann mervey. Alor, zonm i san leskiz.

Ezai 43:8

Anmenn bann ki aveg e ki pourtan zot annan lizye; bann ki sourd e ki pourtan zot annan zorey!

Zeremi 5:20

Al anons sa mesaz avek bann desandan Zakob; fer konnen bann zabitan Zida:

Zeremi 6:10

Avek ki fodre mon koze? Lekel ki pou ekout mon temwannyaz? Zot in bous zot zorey, pour pa antann mon mesaz. Parol SENYER i en dezoner pour zot. Zot pa pare pour ekoute.

Zakari 7:11

Me zot ti refize ekoute. Zot ti tourn ledo e bous zot zorey pour zot pa tande.

Deterononm 29:3

Zot in war bann gran leprev ki i'n anvoye, bann siny ek bann gran mervey ki i'n fer.

Zeremi 7:13

Zot in komet tou sa bann pese, SENYER i deklare, mon touzour koz avek zot. Me zot in refize ekout mwan. Mon touzour pe apel zot, me zot pa reponn mwan.