Zeremi 5:16 - Labib An Kreol Seselwa

¹⁶ Son bann fles i senm lanmor; i annan bann gerye profesyonnel.

Zeremi 5:16 Referans Kwoze

Ezai 5:28

Zot bann dart i byen pwent, zot in byen ris zot fles. Sabo zot bann seval i dir koman ros e larou zot bann kales i vire parey tourbiyon.

Psonm 5:9

Okenn laverite pa sorti dan zot labous; zot leker i ranpli avek destriksyon; zot lagorz i en tonbo ouver; zot lalang i koz zis flatri.

Romen 3:13

Zot lagorz i koman en latonm ouver. Zot servi zot lalang pour tronpe. Sa ki sorti ant zot lalev, i en venen serpan.

Ezai 13:18

Zot pou zet ater bann zennzan avek zot dart; zot pou san pitye anver bann ti baba; zot pou kriyel anver bann zanfan.

Lamantasyon 3:13

SENYER in anfons son bann fles drwat dan mon leker.

Zeremi 6:22

La sa ki SENYER i deklare: En pep ki sorti dan Nor pe vini; sa i en gran nasyon ki sorti byen lwen.

Zeremi 6:23

Son bann gerye i arme avek fles ek lans; zot kriyel e san pitye. Tapaz ki zot fer lo zot seval i parey en lanmer dan move tan. Zot in pare pour atak Zerizalenm.