Zeremi 5:10 - Labib An Kreol Seselwa

¹⁰ Mont lo bann miray, detri plantasyon rezen, me pa konpletman. Koup son bann brans akoz zot pa pour SENYER.

Zeremi 5:10 Referans Kwoze

Zeremi 4:27

La sa ki SENYER in deklare: Pei antye in ganny devaste; me mon pa pou detri li konpletman.

Matye 22:7

Alor, lerwa ti ankoler. I ti anvoy son larme touy sa bann kriminel e met dife dan zot lavil.

Oze 1:9

SENYER ti dir Oze: Apel li Lo-Ami, savedir: Pa mon pep. Annefe, ou pa mon pep, e mwan mon pa egziste pour ou.

Zeremi 39:8

Antretan, Bann Babilonyen ti met dife avek pale rwayal ek lakaz bann zabitan. Zot ti osi kraz miray ki protez Zerizalenm.

Amos 9:8

Lizye Senyer BONDYE pa kit rwayonm Izrael ki koupab. Mon pou fer li disparet lo sirfas later. Me mon pa pou detri bann desandan lafanmir Zakob. SENYER ki deklare.

Ezekyel 14:17

Oubyen, si mon anvoy lennmi kont sa pei e komann en larme detri pei e touy zonm ek zannimo,

Ezekyel 12:16

Me mon pou eparny en pe zonm parmi zot ki pou sape dan lager, lafanmin ek lepidemi, pour ki zot rakont partou dan pei kot zot ale, tou zot bann pratik degoutan ki zot in komet. Alor, bann zabitan ava konnen ki mwan menm SENYER.

Zeremi 46:28

Izrael! Ou ki mon serviter, Pa bezwen per, SENYER i deklare. Mon pou vin sov ou. Mon pou detri tou bann nasyon kot mon ti fer ou ganny deporte. Me mon pa pou detri ou. Menm si mon ti bezwen pini ou akoz ou ti merite, mon pa ti kapab tret ou koman en inosan.

Zeremi 30:11

Mon avek ou pour sov ou, SENYER i deklare. Mon pou detri tou bann nasyon kot mon ti deport ou. Me ou, mon pa pou detri ou. Sepandan, mon pou koriz ou dapre lazistis. Annefe, mon pa pou kapab tret ou konmsi ou ti inosan.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 5:18

Malgre sa, SENYER i deklare, mon pa pou detri zot konpletman.

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Zeremi 5:9

Pa i'n ler pour mwan pini zot pour tousala, SENYER i deklare? Pa mon bezwen pran mon revanz lo en tel nasyon?

Zeremi 5:11

Annefe, lepep rwayonm Izrael ek rwayonm Zida in vreman trai mwan, SENYER i deklare.

2 Kronik 12:4

Sisak ti kaptir bann lavil fortifye dan rwayonm Zida, e i ti ariv ziska Zerizalenm.

Zeremi 2:21

Pourtan, mon ti'n plant ou koman en pye rezen bon kalite, en plant bon kalite e sir. Ki mannyer ou'n dezenere pour vin en pye rezen sovaz ki son bann fri i eg?