Zeremi 5:1 - Labib An Kreol Seselwa

¹ Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Zeremi 5:1 Referans Kwoze

Ezekyel 22:30

Mon'n rod parmi zot en zonm ki kapab konstri en miray, ki kapab debout devan mwan kot miray in kase pour byennet pei, pour ki mon pa detri li. Me mon pa'n trouv personn.

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

Ezai 59:4

Personn pa port plent dapre lazistis; personn pa defann dapre laverite; zot pled dan vid, zot koz manti; zot konsevwar sa ki mal e zot anmenn maler.

Psonm 14:3

Zot tou, zot in egare; zot tou, zot in koronpi. Personn pa fer sa ki byen, pa menm en sel.

Proverb 20:6

Bokou dimoun i dir ki i fidel; me lekel ki kapab trouv en zonm sir?

Psonm 12:1

SENYER! Mon kriy osekour. Tou dimoun fidel in disparet. Nepli annan personn ki ou kapab fer konfyans.

2 Tesalonisyen 2:10

I pou servi tou kalite move aksyon pour tronp sa bann ki pou ganny detri akoz zot pa'n akey, ni kontan laverite ki ti ava'n sov zot.

Levanzil dapre Lik 14:21

Sa serviter ti retournen e raport tousala avek son met. Son met ti ankoler e i ti dir avek son serviter: Al deswit dan tou semen ek santye dan lavil, e anmenn bann pov, bann envalid, bann ki pa war kler, e bann ki bwete.

Zakari 2:4

Sa dezyenm lanz ti dir li, “Taye! Al dir avek sa zennonm: Zerizalenm pou ganny abite parey bann vilaz ki napa okenn miray. Annefe, en kantite dimoun ek zannimo pou vin viv kot li.”

Amos 8:12

Zot pou al partou, en landrwa a en lot: Depi Sid a Was, depi Nor pei a Les, pour zot rod antann parol SENYER. Me zot pa pou trouve.

Zoel 2:9

Zot antre dan bann lavil, grenp lo bann miray; zot antre partou dan bann lakaz; zot antre par lafnet parey voler.

Danyel 12:4

Me ou, Danyel, gard sekre sa bann parol e kaste sa liv ziska letan lafen. Dan sa lepok, bokou pou esey konpran e zot konnesans pou ogmante.

Kantik Salomon 3:2

Alor, mon pou leve e fer letour lavil. Mon pou al dan bann semen, dan bann plas piblik, pour rod sa enn ki mon leker i kontan. Mon'n rod li, me mon pa'n trouv li.

Proverb 23:23

Kiltiv laverite e pa vann li; kiltiv lasazes, lenstriksyon ek disernman.

Proverb 8:3

I ti kriy for, akote bann laport devan lavil, devan lantre bann lakaz:

1 Rwa 19:10

Eli ti reponn, “SENYER, Bondye liniver, mon pa kapab siporte ki pep Izrael in abandonn ou lalyans, detri tou ou bann lotel, e touy tou ou bann profet par lepe. I reste zis mwan e zot pe rod mwan pour touye.”

Zeremi 2:29

Ou napa drwa pour fer mwan okenn repros, akoz ou ki'n revolte kont mwan, SENYER ki deklare.

Zeremi 44:15

Tou bann zonm ki ti konnen ki zot bann fanm ti'n ofer sakrifis anver lezot bondye, tou bann fanm ki ti la, e tou lezot ki ti'n vin reste Patros dan pei Lezip, ti reponn Zeremi:

Psonm 14:2

Lao dan lesyel, SENYER i get zabitan later pour li war si i annan dimoun ki konpran e ki vin rod Bondye.

Psonm 94:16

Lekel ki pou leve pour defann mwan kont bann malfeter? Lekel ki pou debout pour defann mwan kont sa bann malfeter?

Zeremi 8:6

Mon'n byen ekout zot: Zot pa'n dir laverite. Personn pa'n regret son bann move aksyon. Personn pa'n demande: Ki mal mon'n fer. Sakenn i kontiny son prop semen, parey en seval fou dan konba.

Zeremi 9:2

Si selman mon ti annan en landrwa dan dezer kot mon ti ava kapab ale, lwen avek mon pep! Zot tou, zot en bann tret ki viv dan adilter.

Zeremi 9:7

Pour sa rezon, SENYER liniver i deklare: Mon pou pirifye mon pep parey ou pirifye metal dan dife; mon pou teste li. Ki mon kapab fer ankor avek mon pep?

Ezekyel 9:9

I ti reponn, “Pese pep Izrael ek Zida i tre grav. Pei i ranpli avek disan e lavil i ranpli avek lenzistis akoz zot pe dir: SENYER in abandonn sa pei e SENYER pa war nou.