Zeremi 48:11 - Labib An Kreol Seselwa

¹¹ Depi son zenes, Moab in touzour viv trankilman. Zanmen in ganny anvoye annegzil. Moab i parey diven ki son lanmar in poze. Zanmen in ganny vide dan diferan resipyan. I pa'n zanmen perdi son parfen. In gard son bon gou.

Zeremi 48:11 Referans Kwoze

Sofoni 1:12

Dan sa lepok, mon pou pran en lalanp; mon pou fouy dan Zerizalenm. Mon pou pran aksyon kont bann zonm ki viv trankilman e ki les lanmar poze parey dan en fon boutey. Zot dir: SENYER pa fer ni sa ki byen, ni sa ki mal.

Zakari 1:15

Me mon tre ankoler kont bann nasyon ki krwar zot dan byen: Kan mon pa ti tro ankoler kont zot, zot in ogmant zot maler.

Nahoum 2:2

SENYER pou retabli laglwar desandan Zakob ensi ki grander Izrael, malgre bann bandi ti'n deza fini depouy li.

Zeremi 48:29

Tou dimoun in tande koman Moab i orgeye, koman i tre fyer, koman i vantar, koman i arogan, koman i pa krwar ki i ete!

Ezai 24:3

Later pou ganny detri konpletman e depouye anba lao, akoz SENYER in koze.

Ezai 16:6

Nou'n antann koz lo lorgey Moab, son lorgey ekstrenm, son larogans, son lorgey ek son lensolans; me tousala i vid.

Psonm 123:4

Nou'n rasazye avek lensilt bann ensolan, avek lensolans ek imilyasyon bann arogan.

Psonm 55:19

Bondye ki rennyen depi touzour pou antann mwan e i pou imilye zot. Zot pa pou sanze, zot napa respe pour Bondye.

Zeremi 51:34

Naboukodonozor, lerwa Babilonn, in devor mwan e in anval mwan. In les mwan parey en resipyan vid. Parey en mons, in anval mwan. In ranpli son vant avek sa ki i ti anvi e in zet sa ki ti reste.

Ezai 25:6

Lo sa montanny, SENYER liniver pou donn en festen; pou annan en kantite bon manze; en festen bon diven ki'n ganny laz; en festen kot pou annan bon manze avek lanmwel, avek bon vye diven.

Proverb 1:32

Annefe, bann fou pou disparet, akoz zot rezet lasazes. Bann fou i disparet par zot prop lensousyans.

Nahoum 2:10

Tou in ganny vole; tou in kase; tou in ganny kraze! Bann leker in perdi kouraz, zenou i tranble, lafors in afebli, bann figir in vin pal!

Zeremi 22:21

Mon ti averti ou kan tou ti pe al byen pour ou. Me ou ti dir: Mon pa tande. Ou'n touzour azir konmsa depi ou ti ankor pti. Ou pa'n zanmen oule obei mwan, ou SENYER.

Zeremi 48:12

Pour sa rezon, SENYER i deklare: Mon pou anvoy dimoun pou transvid Moab. Zot pou vid bann danmzann ki zot ava kas an morso apre.