Zeremi 48:10 - Labib An Kreol Seselwa

¹⁰ Maler lo sa enn ki pa servi SENYER avek tou son leker! Maler lo sa enn ki pa servi son lepe pour fer disan koule!

Zeremi 48:10 Referans Kwoze

1 Rwa 20:42

I ti dir lerwa, “La sa ki SENYER i deklare: Akoz ou'n les sape sa zonm ki mon ti oule detri, ou pou reponn son lavi par ou prop lavi, e ou pep pour son pep.”

1 Samyel 15:3

Aprezan, al atak Amalek e detri konpletman tou sa ki i annan; ou pa pou eparny li; ou ava touy zonm ek fanm, zanfan ek pti baba, bef, mouton ek kabri, samo ek bourik.”

Ziz 5:23

Modi lavil Meroz. Modi, modi son bann zabitan. Zot pa'n vin osekour SENYER, osekour SENYER, parmi bann ero.

2 Rwa 13:19

Profet Bondye ti ankoler avek li. I ti dir, “Ou ti'n devre tap senk oubyen zis fwa; konmsa, ou ti ava'n bat bann Siriyen ziska ki ou ti ava'n detri zot konpletman; me la, ou pou bat zot zis trwa fwa.”

1 Samyel 15:9

Sail avek son bann zonm ti eparny lavi Agag, e bann meyer mouton ek bef, bann zannimo gra, bann zenn mouton, e tou sa ki ti bon; i pa ti detri zot, me tou sa ki ti enferyer e san valer, ti ganny konpletman detri.

Zeremi 50:25

SENYER in ouver lasal zarm, e in tir zarm son lakoler, akoz li, Senyer BONDYE liniver, i annan en travay pour fer dan Babilonn.

Zeremi 47:6

Zot kriye: Kan eski lepe SENYER pour pran en pe repo? In ler pour li antre dan son fouro, reste trankil e fer silans.

1 Rwa 20:39

Kan lerwa ti pase, i ti kriye, “Mon ti dan lager, en zonm ti anmenn en dimoun kot mwan e dir mwan: Vey sa zonm. Si i arive ki i sove, ou pou responsab son lavi, oubyen ou pou bezwen pey 3,000 pyes larzan.

1 Rwa 20:40

Letan mon ti okipe en pe partou, sa zonm ti sove.” Lerwa Izrael ti dir li, “Sa i ou zizman; ou menm ki'n deside.”

Zeremi 11:3

La sa ki SENYER, Bondye Izrael i deklare: Sa enn ki pa obei kondisyon sa lalyans pou ganny modi.

Zeremi 47:7

Me ki mannyer mon kapab repoze ler mon annan travay latas pour mwan fer? Mon'n ganny lord atak Askelonn e bann zabitan lakot.

Zeremi 50:27

Masakre tou bann toro! Fer zot desann dan labatwar. Lepep Babilonn in ganny modi! Letan pour li ganny pini in arive.

Zozye 10:19

Me zot, pa reste la. Kontinyen pourswiv zot bann lennmi, atak zot aryergard e anpes zot antre dan zot lavil, akoz SENYER, zot Bondye in livre zot dan zot lanmen.”