Zeremi 47:6 - Labib An Kreol Seselwa

⁶ Zot kriye: Kan eski lepe SENYER pour pran en pe repo? In ler pour li antre dan son fouro, reste trankil e fer silans.

Zeremi 47:6 Referans Kwoze

Zeremi 12:12

Partou dan rezyon montanny kot personn pa reste, bann devastater pe vini. Mon'n anvoy lager pour detri pei antye. Pou napa lape.

Levanzil dapre Zan 18:11

Zezi ti dir avek Pyer, “Remet ou lepe dan son fouro. Ou krwar mon pa pou bwar lakoup ki Papa in donn mwan?”

Ezekyel 21:30

Remet ou lepe dan son fouro! Mon pou ziz ou la kot ou ti ganny kree, dan pei kot ou sorti.

Ezekyel 14:17

Oubyen, si mon anvoy lennmi kont sa pei e komann en larme detri pei e touy zonm ek zannimo,

Zeremi 25:27

Apre sa, SENYER ti dir mwan dir lepep: La sa ki SENYER liniver, Bondye Izrael i deklare: Fodre zot bwar ziska ler zot ava sou e rann tou; ziska ler zot ava nepli kapab leve, akoz zot pou ganny masakre.

Zeremi 15:3

La sa ki SENYER i deklare: Mon'n deside azir kont zot par kat maler: Touye dan lager; desire par bann lisyen; devore par zwazo ek zannimo sovaz.

Zeremi 12:4

Later i sek, zerb in fletri. Zannimo ek zwazo pe mor. Tousala, akoz mesanste sa bann dimoun ki'n dir: Bondye pa war sa ki nou pe fer.

Zeremi 4:21

Konbyen letan ankor mon pou war bann bannyer lager e antann tronpet lager sonnen?

Ezai 10:15

Eski en lars i kapab vant son lekor dan plas sa enn ki servi li? Eski en lasi i kapab fer vantar dan plas sa enn ki servi li? Sa i konmsi roten i fer bouze lebra ki lev li oubyen en baton ki diriz sa lanmen ki mannye li.

Ezai 10:5

Maler lo Asiri! I en roten mon lakoler. Sa baton dan zot lanmen ki montre mon lakoler.

Psonm 17:13

Leve SENYER! Konfront zot. Fer zot tonbe. Avek ou lepe, liber mwan kont mon bann lennmi.

1 Kronik 21:27

SENYER ti donn lord sa mesaze e fer li remet son lepe dan son fouro.

2 Samyel 2:26

Abner ti apel Zoab. I ti dir li, “Eski nou pou touzour fer lager? Ou pa konnen ki tousala pou mal fini? Kan eski ou pou deside dir ou bann zonm aret pourswiv zot bann frer?”

Ziz 7:20

Sa trwa group ti soufle tronpet e kas zot gran potao. Zot ti tenir zot tors dan lanmen gos e tronpet dan lanmen drwat. Zot ti kriye, “Lepe pour SENYER e pour Zedeon.”

Zeremi 48:10

Maler lo sa enn ki pa servi SENYER avek tou son leker! Maler lo sa enn ki pa servi son lepe pour fer disan koule!

Zeremi 50:35

Lager kont Babilonn, kont son bann zabitan, son bann sef e son bann saz, SENYER i deklare.

Zakari 13:7

La sa ki SENYER liniver i deklare: Lepe! Leve kont mon berze, kont mon zanmi pros. Atak berze pour dispers bann mouton; mon lanmen pou atak bann ki pti.