Zeremi 47:3 - Labib An Kreol Seselwa

³ Zot pou antann tapaz seval ki pe tape avek zot sabo, fraka larou bann kales lager. Bann paran nepli okip zot zanfan.

Zeremi 47:3 Referans Kwoze

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Ziz 5:22

Alor bann sabo bann seval ti pil later; zot ti arete galope.

Nahoum 2:4

Lo semen, bann kales i fonse avek vites. Zot ale vini parey tors, zot rapid parey zekler.

Zeremi 46:9

Bann seval! Atake. Bann kales lager! Bann gerye ki sorti Letyopi ek Pout; ki mannye bann boukliye; lezot gerye ki sorti Loud e ki konn mannye fles! Fonse.

Revelasyon 9:9

Lo zot pwatrin ti annan konmsi bann plak feray. Tapaz zot lezel ti konmsi bann kales ki ti pe ganny trennen par plizyer seval ki pe al lager.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Ezekyel 23:24

Zot pou atak ou sorti dan Nor, en gran lafoul dimoun avek kales lager ek lezot veikil lager. Zot pou atak ou lo tou kote; zot pou ganny proteze par zot bann boukliye ek kas. Mon pou prezant ou ka devan zot; zot ava ziz ou dapre zot prop lalwa.

Nahoum 2:8

Lavil Niniv i parey en rezervwar defonse. Zot kriye: Arete! Arete! Me personn pa get deryer.

Ezai 5:28

Zot bann dart i byen pwent, zot in byen ris zot fles. Sabo zot bann seval i dir koman ros e larou zot bann kales i vire parey tourbiyon.