Zeremi 44:3 - Labib An Kreol Seselwa

³ Tousala in arive akoz bann zabitan ti provok mon lakoler par bann aksyon degoutan ki zot ti'n fer. Zot in al ofer sakrifis e ador lezot bondye ki ni zot zanset, ni zot menm, zot pa ti konnen.

Zeremi 44:3 Referans Kwoze

Deterononm 29:26

Zot ti vire e al servi lezot bondye e ador zot; bann bondye ki zot pa ti konnen e ki SENYER pa'n zanmen donn zot pour patrimwann.

Deterononm 32:17

Zot ti ofer sakrifis avek bann demon, pa anver Bondye, anver bann bondye ki zot pa'n zanmen konnen, anver bann bondye ki zot ti'n fek dekouver, ki zot bann zanset pa ti adore.

Deterononm 13:6

I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.

Danyel 9:5

Nou'n komet pese e fer sa ki mal. Nou'n komet bann aksyon move e nou'n revolte. Nou'n abandonn ou bann komannman ek ou bann lalwa.

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Nehemi 9:33

Ou'n azir dapre lazistis dan tou sa ki'n ariv nou; ou'n azir fidelman anver nou, tandis ki nou, nou'n mal azir.

Ezekyel 9:9

I ti reponn, “Pese pep Izrael ek Zida i tre grav. Pei i ranpli avek disan e lavil i ranpli avek lenzistis akoz zot pe dir: SENYER in abandonn sa pei e SENYER pa war nou.

Lamantasyon 4:13

Sa in arive akoz pese son bann profet e fot son bann pret ki ti fer koule parmi zot disan dimoun inosan.

Lamantasyon 1:8

Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Zeremi 22:9

Alor zot pou reponn: Akoz zot in abandonn lalyans ki zot in fer avek SENYER, zot Bondye; akoz zot in al ador e servi bann fo bondye.

Zeremi 11:17

Mwan, SENYER liniver ki ti plant Izrael ek Zida, mon deklare ki zot pou ganny detri. Sa i zot prop lafot, akoz zot in fer sa ki mal; zot in fer mon lakoler monte kan zot ti al ofer sakrifis an loner Baal.

Zeremi 7:19

Me zot pa ofans mwan vreman. Zot pe fer ditor zot menm e zot pe anmenn laont lo zot menm.

Zeremi 5:29

Pa fodre mon pini sa bann dimoun pour sa, SENYER i deklare? Pa fodre mon revanze kont en nasyon parey?

Zeremi 5:19

Kan zot ava demann ou akoz mon ti fer tousala, ou, Zeremi, ou ava dir zot: Parey zot in abandonn mwan pour al servi bann bondye etranze dan zot prop pei, zot pou al servi bann etranze dan en pei ki pa pour zot.

Ebre 3:16

Lekel sa bann ki ti tande e pourtan ti revolte kont li? Pa tou sa bann ki ti sorti Lezip anba direksyon Moiz?

Ezai 3:8

Zerizalenm in degrengole; rwayonm Zida in tonbe, akoz zot parol ek zot aksyon in kont SENYER. Zot in revolte devan son laglwar.

Zeremi 32:30

Depi zot lazenes, pep Izrael ek pep Zida in fer zis sa ki mal ki mon pa kontan. Izraelit in pas zot letan provok mon lakoler par tou zot bann aksyon degoutan.

Zeremi 44:23

La rezon akoz maler in tonm lo zot ozordi: Zot in ofer lansan an loner lezot bondye, zot in rann zot koupab anver SENYER; zot pa'n ekout li, zot pa'n swiv ni son lansennyman, ni son komannman, ni son bann konsey.”

Deterononm 29:25

Zot ava reponn: Sa ti akoz zot ti'n abandonn lalyans ki SENYER, Bondye zot zanset ti fer avek zot, ler i ti tir zot Lezip.

Zeremi 16:10

Kan ou pou dir sa pep tousala, zot pou demann ou akoz SENYER nou Bondye in deside anvoy tou sa bann gran maler lo nou. Ki krim nou'n komet? Ki pese nou'n fer.

Zeremi 29:19

Tousala pou arive, SENYER ki deklare akoz zot pa'n ekout bann parol ki mon'n kontinyen anvoy kot zot par lentermedyer mon bann serviter, bann profet. Me zot ti refize ekoute, SENYER ki deklare.