Zeremi 44:1 - Labib An Kreol Seselwa

¹ La mesaz ki SENYER ti donn Zeremi konsernan tou bann Izraelit ki ti pe viv Lezip, dan bann lavil Migdol, Tafanes, Menmfis, e dan pei Patros:

Zeremi 44:1 Referans Kwoze

Zeremi 46:14

Al anons sa nouvel dan bann lavil Lezip, dan Migdol, Menmfis, Tafanes: Debout! Met zot pare; akoz lager in deza detri zot vwazen!

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Egzod 14:2

“Dir pep Izrael retournen e kanp pre avek Pi-Hahirot, ant Migdol ek lanmer, devan Baal-Sefonn. Zot ava kanp la, pre avek lanmer.

Ezai 19:13

Bann sef ki sorti Soann i'n vin fou, bann sef sorti Menmfis in perdi latet. Bann sef enportan dan zot tribi i'n anmenn Lezip lo move semen.

Ezekyel 30:18

Kan mon pou detri pwisans Lezip e aret son lorgey, Tapanes pou reste dan fernwanr, en nyaz pou kouver li; son bann zabitan pou ganny deporte.

Ezekyel 30:16

Mon pou met dife dan Lezip. Zabitan Sin pou tranble avek lafreyer. Zot pou pers en trou dan miray Teb; miray Teb pou fann, Menmfis pou ganny kouver anba delo.

Ezekyel 30:14

Mon pou devaste Sid Lezip e met dife dan lavil Soann. Mon pou egzekit mon zizman kont lavil Teb.

Ezekyel 29:14

Mon pou retabli sityasyon Lezip e les bann Ezipsyen retourn dan zot pei e les li form en pti rwayonm.

Zeremi 46:19

Pep Ezipsyen! Anmas ou pake; prepar ou pour al annegzil. Lavil Menmfis pour vin parey en dezer; en ta debri san okenn zabitan.

Zeremi 2:16

Menm bann zabitan Menmfis ek Tapanes pour vin raz son latet kler.

Ezekyel 29:10

Akoz sa, mon pou pran aksyon kont ou ek ou bann larivyer. Mon pou fer Lezip vin zis en ta debri. Sa pei pou vin en dezer depi Migdol ziska Aswann lo frontyer Letyopi.

Zenez 10:14

Patros, Kaslou ek Kaftor, kot bann Filisten ti sorti.

Zeremi 24:8

Lo size Sedesyas, lerwa Zida, bann zofisye, e restan lepep dan Zerizalenm ki'n reste lo sa later, oubyen ki'n al Lezip, mon pou tret zot parey sa bann fig ki telman pouri ki ou pa kapab manze, SENYER i deklare.

Zeremi 43:13

I pou osi detri bann moniman an pyer ki Heliopolis, dan pei Lezip; e i pou bril tanp bann bondye Ezipsyen.

Ezekyel 30:13

La sa ki Senyer BONDYE i deklare: Mon pou detri tou zot bann zidol; mon pou fer disparet bann stati dan Menmfis. Dan Lezip, pou nepli annan personn pour gouvernen. Alor, mon pou ranpli li avek lafreyer.

Oze 9:6

Kan zot sove zour katastrof, Lezip ki pou rasanble zot. Lavil Menmfis pou vin zot tonbo. Move zerb pou kouver zot larzan e rons pou anvai zot latant.

Zeremi 44:15

Tou bann zonm ki ti konnen ki zot bann fanm ti'n ofer sakrifis anver lezot bondye, tou bann fanm ki ti la, e tou lezot ki ti'n vin reste Patros dan pei Lezip, ti reponn Zeremi: