Zeremi 39:12 - Labib An Kreol Seselwa

¹² Al sers Zeremi e pran byen swen avek li. Pa fer li dimal, me tret li parey i ava demann ou.

Zeremi 39:12 Referans Kwoze

Proverb 16:7

Kan SENYER i kontan avek mannyer fer en zonm, i rekonsilye son prop lennmi avek li.

Zeremi 40:4

Ozordi menm, mon pou detas lasenn ki dan ou pwannyen. Ou kapab vin Babilonn avek mwan si oule e mon ava vey lo ou. Me pa santi ou oblize pour ou vin avek mwan Babilonn. Ou lib pour ou al partou kot oule dan pei.

Proverb 21:1

Leker lerwa i en pti larivyer dan lanmen SENYER. I diriz li partou kot i oule.

Akt de Zapot 7:10

I ti delivre li dan tou son bann difikilte. Bondye ti fer Zozef ganny faver Faraon, lerwa Lezip, ki ti etabli li koman gouverner Lezip ek son pale.

Amos 9:4

Si zot bann lennmi i deport zot, mon pou donn lord touy zot. Mon lizye pou reste fikse lo zot, pour zot maler, pa pour zot boner.

Zeremi 24:6

Mon pou pran gran swen avek zot, e mon pou fer zot retourn dan sa pei. Olye demoli zot ankor, mon pou relev zot; olye derasin zot, mon pou replant zot.

Proverb 23:5

Ler ou lev lizye pour get larises, in fini ale; en kou an gran, i'n ganny lezel, parey en leg, in anvole ver lesyel.

Zeremi 15:21

Mon pou aras ou dan zot lanmen. Mon pou sov ou kont dimoun vyolan, SENYER i deklare.

Zeremi 39:13

Alor, Nebouzaradann, sef bann gard, ti tonm dakor avek Nebousazbann, sef bann serviter lerwa, ek Nergal-Sareser, sef larme, e avek lezot zofisye lerwa Babilonn,

Zeremi 15:11

Pourtan, SENYER ti'n dir mwan: Mon promet ou ki mon pou delivre ou pour en bon rezon. Mon promet ou ki mon pou fer ou lennmi vin sipliy ou, kan i pou dan maler.