Zeremi 34:5 - Labib An Kreol Seselwa

⁵ Ou pou mor anpe. Zour ou lanterman, dimoun pou bril lansan parey zot ti fer kan zot ti anter ou bann zanset ki ti lerwa avan ou. Zot pou sant bann kantik dey pour ou e zot pou dir: Maler! Nou lerwa in mor. Sanmenm sa ki SENYER i deklare.

Zeremi 34:5 Referans Kwoze

Zeremi 22:18

Alor, la sa ki SENYER i deklare kont Yoyakim, garson Zosyas, lerwa Zida: Personn pa pou regret son lanmor, oubyen dir: Maler pour ou, mon frer! Maler pour ou mon ser! Personn pa pou plere oubyen kriye: Maler pour mon met! Maler pour lerwa!

2 Kronik 16:14

I ti ganny antere Zerizalenm, dan en kavo ki li menm ti'n fer fouye dan ros. Zot ti depoz son lekor lo en ta prodwi aromatik ki bann anbonmer i fer e bril en gran kantite lansan an son loner.

Danyel 2:46

Alor, lerwa Naboukodonozor ti tonm lafas ater, devan Danyel. I ti ordonnen ki zot prezant li lofrann ek parfen.

Ezekyel 17:16

Senyer BONDYE i deklare: Osi vre ki mon vivan, i pou mor dan pei sa lerwa ki'n plas li lo tronn, avek ki i'n fer en trete e ki i'n kase apre. I pou mor dan Babilonn.

Lamantasyon 4:20

Lerwa, sours nou lavi, e ki SENYER ti swazir in ganny met dan zot kaso. Nou ti dir lo li: Nou ava viv parmi bann nasyon anba son proteksyon.

2 Kronik 34:28

Mon pou les ou mor anpe, e ou ava al dan ou tonbo san war sa bann maler ki mon pe anvoy lo Zerizalenm ek son zabitan. Zot ti raport sa mesaz avek lerwa.

2 Rwa 22:20

Alor, mon pou reini ou avek ou bann zanset; ou ava ganny resevwar anpe dan ou tonbo; ou lizye pa pou war sa kalite maler ki mon pou anvoy lo sa landrwa. Sa bann dimoun ti raport sa repons avek lerwa.

Zeremi 34:4

Me, Sedesyas! Ou ki lerwa Zida, ekout sa ki SENYER i deklare: Ou pa pou ganny masakre.

1 Samyel 31:12

bann zonm vayan ti mars tou lannwit ziska Bet-Seann. Zot ti fer desann lekor Sail ek son bann garson depi miray Bet-Seann, retourn Yabes, e bril zot.