Zeremi 34:11 - Labib An Kreol Seselwa

¹¹ Me plitar, zot ti sanz zot lide: Zot ti repran bann zonm ek bann fanm ki zot ti'n libere e obliz zot travay koman lesklav.

Zeremi 34:11 Referans Kwoze

Eklezyas 8:11

Nou tarde pour kondann en move aksyon, akoz leker imen i ranpli avek move lentansyon.

Proverb 26:11

En fou ki repet son betiz, i parey en lisyen ki retourn kot son vomi.

Sofoni 1:6

Zot in tourn ledo avek SENYER, e pa'n rod SENYER ni konsilte li.

Oze 7:16

Zot in tourn ver sa ki pa anmenn okenn profi. Zot parey en fles tord. Zot sef pou tonbe dan lager, akoz zot bann parol arogan; dan Lezip, zot pou ganny riye.

Oze 6:4

SENYER i reponn: Ki mon pou fer pour ou, Efraim? Ki mon pou fer pour ou, Zida? Ou lanmour i parey nyaz granmaten, parey laroze granmaten, ki disparet.

Zeremi 37:5

Kan bann Babilonyen ki ti pe atak Zerizalenm ti tande ki bann gerye Faraon, lerwa Lezip ti'n travers frontyer Lezip, zot ti rekile.

Zeremi 34:21

Mon pou osi livre Sedesyas, lerwa Zida ek son bann zofisye dan lanmen lennmi ek bann ki oule touy zot. Mon pou livre zot dan lanmen lerwa Babilonn ki pe kit zot.

Psonm 125:5

Me sas bann ki swiv move semen. Lape lo Izrael!

Psonm 36:3

Dan son labous i sorti zis mansonz ek frod; i nepli fer sa ki byen, sa ki saz.

1 Samyel 26:21

Sail ti dir, “Mon'n mal azir! Retournen David, mon garson. Mon pa pou esey fer ou dimal ankor. Ou konsider mon lavi presye ozordi. Mwan, mon'n azir koman en fou; mon'n fer en gran fot.”

1 Samyel 24:19

Sa enn ki zwenn son lennmi, eski i les li kontiny trankilman son semen? SENYER ava rekonpans ou pour sa ki ou'n fer pour mwan ozordi.

Egzod 9:28

Sipliy SENYER pour ki i fer arete loraz ek lagrel. Mon pou les zot ale; nou pa pou gard zot pli lontan.”

Egzod 8:15

Me ler Faraon ti war ki ti nepli annan danze, i ti andirsi son leker e parey SENYER ti'n dir, i pa ti ekout zot.

Egzod 8:8

Faraon ti apel Moiz ek Aaron. I ti dir zot, “Priy SENYER pour tir sa bann grenouy kot mwan e kot mon pep. Answit, mon ava les bann Izraelit al ofer bann sakrifis pour zot SENYER.”

Zeremi 34:10

Tou bann sef ek zabitan Zerizalenm ki ti aksepte sa lakor pour liber zot lesklav, zonm oubyen fanm, e pa zanmen fer zot travay koman lesklav, ti obei e zot ti liber zot bann lesklav.

Zeremi 34:12

Alor, SENYER ti koz avek Zeremi.

Zeremi 34:16

Me alor, zot pa'n gard zot parol e zot in dezonor mon non: Sakenn parmi zot in repran son lesklav; zonm koman fanm, ki zot ti'n libere. Zot in ganny forse travay ankor koman lesklav.