Zeremi 30:9 - Labib An Kreol Seselwa

⁹ Zot ava servi SENYER zot Bondye, e David, zot lerwa ki mon pou donn zot.

Zeremi 30:9 Referans Kwoze

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Levanzil dapre Lik 1:69

I'n anvoy en pwisan sover pour nou, sorti parmi desandan lerwa David, son serviter.

Akt de Zapot 13:34

Konsernan lefet ki Bondye ti pou resisit li pour ki son lekor pa dekonpoze, la sa ki i ti dir: Mon pou donn ou bann benediksyon sen e sir, ki mon ti promet David.

Akt de Zapot 13:23

Parey i ti promet, se apartir enn son desandan, ki Bondye ti fer sorti en Sover pour pep Izrael.

Akt de Zapot 2:30

David ti en profet, e i ti konn bann promes ki Bondye ti'n fer avek li par serman. Bondye ti promet pour fer enn son desandan vin lerwa parey li.

Zeremi 23:5

La sa ki SENYER i deklare: Bann zour pe vini, kan mon pou fer paret en vre desandan David. En lerwa ki pou renny avek disernman e ki pou fer respekte lalwa ek lazistis dan pei.

Matye 2:2

Zot ti demande, “Oli sa lerwa bann Zwif ki fek ne? Nou'n war son zetwal dan Les, e nou'n vin ador li.”

Psonm 89:49

SENYER! Oli ou fidelite letan pase ki dan ou bonte ou ti promet David?

Zeremi 29:11

Mon konn byen bann plan ki mon annan pour ou, SENYER i deklare: Bann plan ki pou anmenn prosperite pour ou, pa dezas; bann plan ki pour donn ou en lavenir ranpli avek lespwar.

Zeremi 30:21

Zot sef pou enn parmi zot, SENYER i deklare. Sa enn ki pou diriz zot, pou enn parmi zot. Mon pou fer li vin pre avek mwan, e i ava apros mwan. Annefe, lekel ki pou oze apros mwan san ki mon'n envit li, SENYER i deklare.

Zeremi 33:15

Dan sa bann zour e dan sa letan, mon pou swazir en vre desandan pour David. I pou fer respekte lalwa ek lazistis partou dan pei.