Zeremi 30:8 - Labib An Kreol Seselwa

⁸ La sa ki SENYER liniver i deklare: Sa zour pe arive, kan mon pou kas sa bar dibwa ki i pe fer peze lo zot likou e mon pou kas bann lasenn ki gard zot lesklav. Konmsa, zot pou nepli servi bann etranze.

Zeremi 30:8 Referans Kwoze

Ezekyel 34:27

Bann pye fri dan lakanpanny pou raporte e later pou donn son prodwi; zot pou viv an sekirite dan zot pei. Zot ava konnen ki mwan menm SENYER, kan mon ava kas zot lasenn e delivre zot anba pouvwar bann ki'n fer zot lesklav.

Nahoum 1:13

Aprezan, mon pou kas sa fardo ki lo ou e mon pou kas bann lasenn ki atas ou.

Zeremi 27:2

La sa ki SENYER i deklare: Prepar bann sang an kwir ek bann bar dibwa ki ou ava met lo ou likou.

Ezai 9:4

Akoz ou'n tir sa fardo ki ti peze lo ledo ou pep, baton bann diktater ki ti pe bles zot zepol, sa mayos ki zot ti pe ganny bise avek, ozordi, ou'n kas tousala, parey zour ou ti bat bann Madyanit.

Zeremi 28:10

Alor, Hananya ti tir sa bar dibwa ki ti lo likou Zeremi e i ti kas li an morso.

Zeremi 28:13

Al dir Hananya: La sa ki SENYER i deklare: Ou'n kapab kas sa bar dibwa, me mon pou ranplas li par enn an fer.

Zeremi 27:7

Tou bann nasyon pou servi li, son garson ek son pti zanfan, ziska ler son zour ava vini. Alor, bann nasyon ek bann lerwa pli pwisan ki li pour fer li lesklav.

Zeremi 25:14

Mon pou fer bann Babilonyen peye pour sa ki zot in fer. Zot pou anba dominasyon bokou nasyon ek bann gran pwisans. Konmsa mon pou fer zot rann kont pour zot aksyon e ditor ki zot in fer.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Ezai 14:25

Mon pou detri bann Asiriyen dan mon pei; lo mon bann montanny, mon pou kraz li anba mon lipye; mon pou tir sa fardo ki zot in met lo mon pep e mon pou tir sa pwa ki lo zepol mon pep.

Ezai 10:27

Sa zour, son fardo ki lo ou zepol pour ganny tire, e sa pwa ki lo ou likou pour ganny detri.

Zeremi 28:4

Mon pour osi fer Yoyakin, garson Yoyakim ek lerwa Zida, retourn avek tou bann zabitan Zida ki ti'n al annegzil Babilonn. Wi, mon pou kas sa fardo ki lerwa Babilonn ti'n met lo zot, SENYER ki deklare.

Psonm 107:14

I ti fer zot sorti dan zot gro fernwanr lanmor e i ti kas zot lasenn.

Ezekyel 30:18

Kan mon pou detri pwisans Lezip e aret son lorgey, Tapanes pou reste dan fernwanr, en nyaz pou kouver li; son bann zabitan pou ganny deporte.

Ezai 14:1

Me SENYER pou pran konpasyon pour Zakob e swazir Izrael ankor; i pou fer li viv anpe lo son prop later. Bann etranze ava zwenn avek li pour form parti desandan Zakob.

Ezai 14:3

Zour ki SENYER ava'n donn ou repo apre bann letan douler ek tourman e apre bann letan lesklavaz ki ou ti pas ladan,