Zeremi 30:6 - Labib An Kreol Seselwa

⁶ Al pran lenformasyon si en zonm i kapab ganny zanfan! Pourtan, mon ti war bann zonm ti'n met zot lanmen lo leren, parey en fanm ki dan douler lakousman! Akoz figir tou dimoun in vin pal?

Zeremi 30:6 Referans Kwoze

Nahoum 2:10

Tou in ganny vole; tou in kase; tou in ganny kraze! Bann leker in perdi kouraz, zenou i tranble, lafors in afebli, bann figir in vin pal!

Zoel 2:6

Lepep i tranble kan zot war sa; zot vin pal avek lafreyer.

Zeremi 4:31

Annefe, mon'n antann kriye konmsi en manman ti pe ganny son premye baba. Sa ti Zerizalenm ki ti pe kriye pour esey pran respirasyon. Lanmen anler, i pe kriye: Maler i lo mwan! Zot pe vin touy mwan!

Ezai 21:3

Pour sa rezon ki mon leren i fer mal; douler in pran mwan parey douler lakousman. Mon tro dekouraze pour mwan tande. Mon tro per pour mwan gete.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.

Oze 13:13

Douler pour son nesans i arive, me i sitan bet ki i refize sorti dan vant son manman.

Zeremi 22:23

Ou pou viv trankilman dan lakaz fer avek dibwa sed sorti Liban, ler soufrans pou sezi ou. Ou pou kriye parey en fanm dan douler lakousman.

Zeremi 6:24

Bann zabitan Zerizalenm ti dir: Kan nou ti antann sa nouvel, nou ti perdi kouraz, nou lagorz ti sere. Nou ti soufer parey en fanm ki pe akouse.

Psonm 48:6

Zot ti tranble parey en fanm dan douler lanfantman;

Danyel 5:6

Son figir ti sanz kouler, e son lespri ti tourmante. Son lekor ti large e son de zenou ti tranble.

Zeremi 50:43

Bann lerwa Babilonn ti'n antann nouvel. Zot ti perdi kouraz, zot lagorz ti sere; Zot ti soufer parey en fanm ki pe akouse.

Zeremi 49:24

Zabitan Damas in perdi kouraz e zot in sove dan lafreyer. Zot dan langwas ek douler, parey en fanm ki dan douler lanfantman.

Ezai 29:22

Pour sa rezon, la sa ki SENYER ki'n sov Abrahanm i dir avek desandan Zakob: Zanmen ankor, Zakob pou ganny imilye; zanmen ankor son figir pou sanz kouler.

Zeremi 13:21

I annan dimoun ki ou'n fer zanmi avek. Ki ou pou dir kan zot ava azir kont ou e domin ou? Douler pou pran ou parey en fanm ki dan douler lanfantman.

Zeremi 48:41

Bann lavil pou ganny kaptire; bann plas byen proteze pou ganny kaptire. Sa zour, bann gerye Moab pou per parey en fanm ki dan douler lanfantman.

Zeremi 49:22

Lennmi pour atak Bosra parey en leg ki desann avek son lezel gran ouver. Sa zour la, bann meyer gerye Moab pou per parey en fanm ki dan douler lanfantman.